Debleskri gili 97:10 - O Debleskro Lab 2024 (Sinte-Manouche)

¹⁰ T'mer, kay o baro Debles kamenna, stakrenn o čilačepen khetne. O baro Devel rikrell peskre vasta pral o djipen kolendar, kay leskre hi, oun lell len vin dran o vast i čilačendar.

O Debleskro Drom 2021 (Sinte)

¹⁰ Tumer, kai o baro Debles kamenna, stakrenn o tchilatchepen khetne. O baro Dewel rikrell peskre wasta pral o djipen kolendar, kai leskre hi, un lell len win dran o wast i tchilatchendar.

Debleskri gili 97:10 ပူးပေါင်းရင်းမြစ်များ

Debleskri gili 101:3

Rikrau man pale te krap rhorheno koova, oun kamau gar khetne te vell kolentsa, kay bango koova krenn. Savo koova kamau gar glan i yaka te dikell.

Debleskri gili 119:104

Tiro lab krell man gosevo. Doleske nay dikau gar rhorhene dromma glan i yaka.

Debleskri gili 119:163

Rhorhepen hi mange djoungelo, oun me nay dikau les gar glan i yaka. Tiro drom kamau me o djiyestar.

Debleskri gili 121:7

O baro Devel rikrell peskre vasta pral tiro djipen, te taprell tout kek bibarht.

Debleskri gili 125:3

I čilače ačenn gar i raya pral o them kolendar, kay an o čačepen tardo hi. Te vals yaake, nay krans kolla ninna o čilačepen.

Debleskri gili 145:20

Kolla, kay les o djiyestar kamenna, pral kolende rikrell lo peskre vasta. Kolla, kay čilačo koova krenna, moukell lo te merell.

Debleskri gili 31:23

Me homs yaake dareno, te penom: “Mo Devel, tou kameh mandar bouder či te djinell!” Kova his gar yaake: Tou shounal man, har rovom ap toute.

Debleskri gili 34:14

Palle denn garda ap t'mari čip, te rakrell li kek čilačepen oun kek rhorhepen!

Debleskri gili 36:4

Či har midjak oun rhorhene laba venn dran leskro mouy vin. Lačo koova hayvell lo bouder gar te krell.

Debleskri gili 91:14

O Devel penell: “Yob kamell man o tselo djiyestar. Doleske lau les dran kova lauter vin. Yob prindjrell man. Doleske dau yak ap leste.

Gosewe laba 2:8

Yob vell ap i rig kolenge, kay krenn o čačepen, oun rikrell peskre vasta pral kolende, kay djan ap leskro drom.

Gosewe laba 3:7

Ma ab gosevo an tire yaka! Mouk o baro Devel tiro ray te vell, oun rike tout krik i čilače dromma!

Gosewe laba 8:13

Kova, kay kamell o baro Debleha te djivell, kova kamell o čilačepen gar glan peskre yaka te dikell, kova dikell gar tele ap o vavareste oun phourdell pes gar pre, kova djal gar i čilačo drom, oun rakrell kek rhorhepen.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jeremia 15:21

ava, dran i vasta kolendar, kay čilačo ap toute hi, oun kay djan zoryah ap toute pre.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

Daniel 6:27

Kava hi hoy t'mendar kamau: An i tsele themma, kay me baro ray hom, hounte darell hakeno o Danieleskro Debles peskro tselo djiyestar. Yob hi o djido Devel, oun ačella hako tsireske. An kek tsiro nashrell lo peskri rayeskri zoor. I tsele tsirenge ačell lo baro ray.

Amos 5:14

Rodenn kova, hoy lačo hi! Oun hoy čilačo hi, ma krenn! Yaake ačenn djido. Oun o baro Devel, ko ray pral o bolepen oun i phoub, ačell t'mentsa, yaake har t'mer penenn.

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

Remarja 7:15

Me hayvau gar, hoske krau čilačo koova. Kova, hoy kamau te krell, kova krau gar. Kova, hoy me gar kamau te krell, kova krau.

Remarja 7:24

Me bibarhtelo! Koon nay lell man dran miro phouro djipen vin, hoy anell man an o merepen?

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

2. Tessalonikarja 3:2

Mangenn lestar ninna, te dell lo garda ap mende, te nay krenn men kol midjak oun čilače menshe kek čilačepen. Gar hakeno patsell ap o Yezous Kristeste.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

1. Johanni 4:19

O Devel kamas men o djiyestar. Doleske kamah mer o Debles oun i menshen ninna.

1. Johanni 5:18

Mer djinah, o Debleskre čave ačenn gar ap i čilačo drom. O Debleskro čavo dell garda ap lende. Oun o beng nay krell len či.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.