Debleskri gili 95:8 - O Debleskro Lab 2024 (Sinte-Manouche)

⁸ Ma pandenn t'mare djia, har t'mare phoure kran ap i platsa Meriba oun Massa an o moulo tato them.

O Debleskro Drom 2021 (Sinte)

⁸ Ma pandenn tumare djia, har tumare phure kran ap i platsa Meriba un Massa an o mulo tato them.

Debleskri gili 95:8 ပူးပေါင်းရင်းမြစ်များ

2. Mose 17:2

Oun yon čingran ap o Moseste oun penan: “De men pani te piyell!” Oun o Mose penas: “Hoske čingrenn t'mer ap mande? Hoske patsenn gar, te hi o baro Devel pash mende oun dell men kova, hoy men hounte vals?”

2. Mose 17:7

Koy platsa, kay i menshe čingran ap leste oun kay yon gar patsan, te hi o baro Devel pash lende oun dell len kova, hoy len hounte vell, koy platsa das o Mose i laba Massa oun Meriba.

2. Mose 8:15

Kote penan i dourkepangre ap o Farao: “Kava hi o Debleskro vast!” Ninna kanna rikras o Farao peskro dji pandlo oun shounas gar ap lende. Yaake vas, hoy o baro Devel penas.

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:22

Kol tsele morsha, kay dikan miro raylepen oun ko baro oun zorelo koova, hoy krom an o them Egiptia oun an o moulo tato them, oun kaman boud kope gar te patsell, kay hom lentsa, oun shounan gar ap kova, hoy me penom,

4. Mose 14:27

“Har rah čingrenn kol čilače menshe ap mande? Me shounom, har kol Israelitarya djoungeles pral mande rakran.

4. Mose 20:13

Kava pani kharan le Meriba. Kate čingran i Israelitarya ap o baro Debleste. Oun kate sikras lo lende, kay yob čačepah o baro oun zorelo Devel hi.

Bičepangre 19:9

Koy his ninna menshe pashel, kay kaman o Yezousestar či te djinell oun kaman gar ap leste te patsell. Oun glan i menshende rakran le djoungelo koova pral o patsepen ap o Yezouseste. Koy moukas o Paulo kol vavar patslentsa i biboldengri kangri, oun rakras hako dives an ko sikepaskro kheer, kay o Tiranno o sikepaskro hi.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

5. Mose 6:16

Ma krenn yaake, har te vals o baro Devel gar pash t'mende oun dals t'men gar kova, hoy t'men hounte vell djipaske, yaake har kova kran, har hans an o foro Massa!

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.

1. Samuel 6:6

Ma pandenn t'mare djia, te venn le har bar, har kran kol Egiptarya oun lengro baro ray, o Farao! Hi kova gar yaake? Har sikras o baro Devel peskri zoor ap lende, hounte moukan le i Israelitaryen te djal.