Debleskri gili 95:4 - O Debleskro Lab 2024 (Sinte-Manouche)

⁴ An leskro vast hi o telstunepen i phoubyatar, oun i bareder berge hi ninna leskre.

O Debleskro Drom 2021 (Sinte)

⁴ An leskro wast hi o telstunepen i phubjatar, un i bareder berge hi ninna leskre.

Debleskri gili 95:4 ပူးပေါင်းရင်းမြစ်များ

Hiob 11:10

Te vell yob oun pandell yekes, oun anell les glan i tsillo, te krell lo o čačepen pral leste vin, koon nay rikrals les pale?

Hiob 9:5

O Devel čivell i berge yek rigyatar ap i vavar, glan te hayvenn le kova. An peskri rholi vitsrell lo len trouyel.

Debleskri gili 135:6

Lauter, hoy yob kamell te krell, krell lo an o bolepen oun ap i phoub, an o baro pani, oun an o telstunepen.

Debleskri gili 21:2

Baro Devel, har barhtelo hi o baro ray pral tiri zoor! Tou hal ap leskri rig. Doleske bashrell leskro dji.

Debleskri gili 65:6

Tou rakreh mentsa dran baro koova, hoy tou kreh an tiri zoor oun an tiro čačepen. Tou, Devel, leh men vin dran o čilačepen. Ap toute dikenn i menshe ap i tseli phoub. Ninna kolla dikenn pal toute, kay djivenn pash i bare panya, hoy yaake dour krik hi.

Debleskri gili 71:20

Tou moukal boud oun bari daar ap mande te vell. Oun tou deh man pale nevo djipen, oun aneh man pale vin dran o telstunepen i phoubyatar.

Debleskri gili 97:5

Yaake har i momeli tele rhačrell, venna bare berge tikno glan o baro Debleste. Yob hi o baro ray pral i tseli phoub.

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

Habakuk 3:10

I berge dikan tout oun trissan. Zorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Čivell yob peskro piro ap i phoub, palle trissell li. Lell yob i vavar themma an o yak, trashenn i tsele menshe. Kol bare phoure berge phagenn an kotya, oun kol tikne phoure berge perenn khetne, te nashell yob – har an o phouro tsiro – pral i phoub.