Debleskri gili 94:7 - O Debleskro Lab 2024 (Sinte-Manouche)

⁷ “O baro Devel”, penenn le, “dikell kova gar, o Yakobeskro Devel dell gar yak pre.”

O Debleskro Drom 2021 (Sinte)

⁷ “O baro Dewel”, penenn le, “dikell kowa gar, o Jakobeskro Dewel dell gar jak pre.”

Debleskri gili 94:7 ပူးပေါင်းရင်းမြစ်များ

Debleskri gili 59:7

Haki rat venn le pale oun nashenn čorrhanes troul o foro. Har djoukle denn le gole.

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Jesaja 47:10

Tou rikral tout ap tiro čilačepen oun penal: “Kek dikas man!” Tiro gosvepen oun lauter, hoy djineh, kras tout pre-phourdo, yaake te penal an tiro dji: “Me hom i bareder. Kek vell zorleder har me.”

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

Zefanja 1:12

An ko tsiro vella yaake, kay lau i momeli oun rodau an o foro Yerusalem lauter kolen, kay djivenn i shoukar djipen oun djinenn kek daar, oun kay penenn an pengre djia: O baro Devel krell menge či, kek lačepen, vitar kek čilačepen.