Debleskri gili 91:5 - O Debleskro Lab 2024 (Sinte-Manouche)

⁵ Tou hounte tapress kek daar glan kova, hoy rati nay vella, vitar gar glan kol kashta, hoy ap o dives karye dino venna,

O Debleskro Drom 2021 (Sinte)

⁵ Tu hunte tapress kek daar glan kowa, hoi rati nai wella, witar gar glan kol kashta, hoi ap o diwes karje dino wenna,

Debleskri gili 91:5 ပူးပေါင်းရင်းမြစ်များ

2. Rajengro liil 7:6

O baro Devel kras, te shounenn kol Syrarya i bari gole, har te venn boud lourde grayentsa oun kourepangre vourdyentsa. Oun yon rakran yek ap o vavareste: “Shounenn, ko baro ray pral Israel čivas pes khetne kol bare rayentsa pral kol Hetarya oun pral kol Egiptarya, te perenn le khetne pral mende.”

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 112:7

Les vell kek daar, te shounell lo, kay čilačo koova vella. Yob dikell peskro tselo djiyeha ap o baro Debleste.

Debleskri gili 46:2

O Devel hi menge har i zorelo kheer, kay nay khatrah men. Yob hi ap mari rig an phare tsirya.

Gosewe laba 28:1

O čilačo hi ap o naashepen, ninna te lell les kek palla. Kova, kay an o čačepen tardo hi, hi har i terno levo oun darell či.

Kamlepaskri gili 3:8

Lače kourepangre hi le halauter, oun hayvenn mishto te kourenn le pen o rhareha. Hakeno lendar hidjrell peskro rharo ap i rig, te kourell lo pes koleha, kay čorrhanes nay vell an i rati.

Jesaja 21:4

Me hom nasselo an o shero, i daar moukell man te trissell. Dikom ap i rati, te djal mange feteder. Har i rati vas, djas mange gomme djoungleder.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

Louka 12:39

Kova hounte hayvenn t'mer: Te djinals kova, kay ap o kheer yak della, ko tsiro, kay ko dre-phagepaskro vella, nay phagals kova gar pash leste dren.

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?