Debleskri gili 91:14 - O Debleskro Lab 2024 (Sinte-Manouche)

¹⁴ O Devel penell: “Yob kamell man o tselo djiyestar. Doleske lau les dran kova lauter vin. Yob prindjrell man. Doleske dau yak ap leste.

O Debleskro Drom 2021 (Sinte)

¹⁴ O Dewel penell: “Job kamell man o tselo djijestar. Doleske lau les dran kowa lauter win. Job prindjrell man. Doleske dau jak ap leste.

Debleskri gili 91:14 ပူးပေါင်းရင်းမြစ်များ

1. Familjakro liil 29:3

Te krap o kheer miro Deblestar yaake shoukar har djala, dau ninna dran miro bravlepen

Esra 8:31

Ap o deesh-te-douyto dives an o ersto čon kram men ap o drom oun moukam ko pani Ahava pal mende, te djas an o foro Yerusalem. Oun maro Debleskro vast his pral mende oun das men gar an i vasta kolendar, kay kaman maro merepen oun kay men ap o drom palla lan.

Debleskri gili 59:1

I gili o rayeske pral i gipangre, te givell har koy gili Ma mare men. O David činas kay gili an ko tsiro, har o Saul peskre lourden troul leskro kheer tardo čivas, te denn le les moulo.

Debleskri gili 9:10

I bibarhtele nay khatrenn pen pash leste, oun yob rikrell peskro vast pral lende, oun dell yak ap lende an phare tsirya.

Debleskri gili 9:11

Doleske rikrenn kolla ap toute, kay tiro lab prindjrenna. Koon tout, o baro Debles, rodella, koles moukeh tou gar kokres.

Debleskri gili 91:9

Tou penal: “Pash o baro Debleste hom khere.” Tou khatral tout pash o Debleste, ko pralstuneste.

Jesaja 33:16

save menshe djivenn palle an o pralstunepen, an i berge hi lengro khatepen. Oun len hi doha rhapen oun pipen.

Jeremia 39:17

Tout kamau an ko tsiro vin te lell dran i bibarht, penell o baro Devel. Oun tou veh kol menshenge gar an o vast dino, glan kolende tout traash hi.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 16:27

Miro dad kamell t'men ninna yaake har me kamau t'men. T'mer kamenn man o djiyestar oun patsenna, kay me o Deblestar vom. Doleske kamell t'men miro dad ninna o djiyestar.

Johanni 17:3

Kova hi ko djipen, hoy gar pre-herella: Te prindjrenn yon tout, kay tou hal o čačo Devel, oun te prindjrenn yon o Yezous Kristes, koles tou bičral ap kay phoub.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.