Debleskri gili 90:8 - O Debleskro Lab 2024 (Sinte-Manouche)

⁸ Maro čilačo koova hoy kram, čival tou glan toute tardo. Mari khatedi doosh čakreh tou pre.

O Debleskro Drom 2021 (Sinte)

⁸ Maro tchilatcho koowa hoi kram, tchiwal tu glan tute tardo. Mari khatedi doosh tchakreh tu pre.

Debleskri gili 90:8 ပူးပေါင်းရင်းမြစ်များ

Hiob 10:14

Tou kamal yak ap mande te dell, te dikess, te loms me doosh ap mande. Palle kamal miri doosh ap mande te moukell.

Hiob 34:21

O Devel lell hako koova an o yak, hoy i mensho krell, oun dikell les, kay lo ninna djal.

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Debleskri gili 109:15

Mouk kova, hoy le kran, hako tsiro glan tire yaka te vell! Kre, te vell leskro lab bistedo an o tselo them!

Debleskri gili 19:12

Miro ray, me moukau tire laba ap miro dji te rakrell. Koon rikrell pes ap lende, koleske djal mishto.

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Debleskri gili 80:16

Rike tiro vast pral leste, hoy tou an i phoub čival, pral ko terno drakengro rouk, hoy tou bares oun zoreles kral.

Gosewe laba 5:21

O baro Devel dikell, har hakeno djivell. Kova, hoy hakeno krella, djinell lo.

Sikepaskro 12:14

O Devel rakrell o čačepen vin pral halauter, hoy kram, ko lačo oun ko čilačo koova, ninna te hi kova kanna khatedo.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 2:22

Tou nay thoveh tout yaake boud har kameh, oun leh ko zorlester sapouni! Ko čilačepen, koleha tout pale-čiddo kral, ačell glan mire yaka, penell o baro Devel, maro ray.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

3. Mose 4:23

Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

3. Mose 4:28

Te hayvell lo pal i tsiro, kay kova hoy lo kras, gar čačo hi glan o Debleskre yaka, palle hounte anell lo leske i bouzni, hoy gar nasselo hi. Kova hounte krell lo, te vell leskri doosh krik lino.

Remarja 2:16

Lauter kova, hoy an o mensheskro dji hi, vell diklo ap ko dives, kay hi o Yezous Kristo o čačepaskro ray oun rakrell o čačepen vin pral i menshende. Yaake penell les o Debleskro lab, hoy me i menshenge penau.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.

Debleskro tsiro 20:12

Oun me dikom i moulen: i bare har i tikne. Yon his tardo glan o Debleskro beshepaskro. Oun lila van pre kerdo, kay činlo hi, hoy i menshe kran. Pale vas ko djipaskro liil pre kerdo, kay kolla dren činlo hi, kay djivenna hako tsiro. Oun o čačepen vas vi-rakedo pral kol tsele moulende yaake, har an i lila dren činlo hi.