Debleskri gili 90:10 - O Debleskro Lab 2024 (Sinte-Manouche)

¹⁰ Maro djipen hi 70 (efta-deesh) bersha, te hi boud, 80 (orhta-deesh) bersha. Oun kova, hoy menge shoukar his, hi či har boudi oun pharepen. Oun sikeder har sik hi lauter trouyel.

O Debleskro Drom 2021 (Sinte)

¹⁰ Maro djipen hi 70 (efta-deesh) bersha, te hi bud, 80 (ochta-deesh) bersha. Un kowa, hoi menge shukar his, hi tchi har budi un pharepen. Un sikeder har sik hi lauter trujel.

Debleskri gili 90:10 ပူးပေါင်းရင်းမြစ်များ

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

1. Mose 6:3

Koy penas o baro Devel: “Miro djipaskro dourho ačell gar hako tsiro an o mensheste. Yob hi mass. Yob vell gar phoureder har 120 (sheel-te-biish) bersha.”

2. Samuel 19:35

Penas o Barsillay ap o baro rayeste: “Me djivau bouder gar rah. Hoske djap me touha tele an o foro Yerusalem?

2. Samuel 19:36

Me hom kay dives deesh-te-orhta bersh phouro. Har nay djinau me, hoy lačo hi oun hoy čilačo hi? Hayvau bouder gar, hoy rhau oun piyau oun shounau bouder gar, hoy ko gipaskro oun koy gipaskretsa givenna. Kamau gar te vap i pharepen touke, miro baro rayeske.

1. Rajengro liil 1:1

Oun o baro ray David vas i phouro morsh. Les his i lengsto djipen. Oun leske nay vas gar tato, ninna te čivan le plaashke pral leste.

Hiob 14:10

Merell i morsh, hi lo bouder gar. Kek dourho ačell an leste. Kay hi lo?

Hiob 20:8

Yob djal krik har i souni, oun vell bouder gar hatslo. Har kova, hoy yek souni das, bouder gar koy hi, yaake ačell či lestar.

Hiob 24:24

Kol an-dikle van baro i tikno tsireske. Oun ap yek kopo hi le bouder gar koy. Yon čivenn pengro shero tele har i blouma hoy merell. Oun har o shero ap o djob venn le tele činlo.

Hiob 5:7

Dran o mensheste kokres vell i bibarht, yaake har dran i yag tikne rhačede kotya pre phourdedo venn.

Debleskri gili 78:39

Yob djinas, te hi le menshe, kay hounte merenn, oun hi sik bouder gar koy, yaake har i dourho, hoy djal oun gar pale vella.

Jesaja 38:12

Tele phagedo hi miro djipen, har o plarhteno kheer i bakrengro morshestar, kay doureder djal. Tele činlo hi miro djipen har i thab dran i kotar than. Dives oun rati moukeh tou man te hayvell, te hi mantsa trouyel.

3. Mose 27:7

I morsheske, kay 60 (shob-deesh) bersha hi oun pral shob-deesh, venn 15 (deesh-te-panč) roupene beme playsedo, oun i djouvyake 10 (deesh) roupene beme.

Louka 12:20

O Devel penell ap leste: Tou dinelo! Kay rat hounte meress tou. Koon lell tiro tselo bravlepen, hoy tou touke khetne anal?”

5. Mose 34:7

O Mose his sheel-te-biish (120) bersha, har yob meras. Leskre yaka his gomme zoreles, oun yob nashras gar peskri zoor.

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.

Josua 14:11

Oun me hom kava dives gomme yaake zorelo, har ap ko dives, har o Mose man vin bičras. Koy zoor, hoy man an ko tsiro his, hi man kanna ninna gomme, yaake te nay kourap man oun djap vin an o kourepen.