Debleskri gili 9:12 - O Debleskro Lab 2024 (Sinte-Manouche)

¹² Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

O Debleskro Drom 2021 (Sinte)

¹² Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

Debleskri gili 9:12 ပူးပေါင်းရင်းမြစ်များ

1. Mose 9:5

Kek hounte lell t'maro djipen. Hakeno koon lell t'maro djipen, kolestar lau me ninna leskro djipen: hako firhestar oun hako menshestar.

2. Rajengro liil 24:4

oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 10:17

Kova, hoy i čorvele toutar mangenna, shouneh tou, mo baro Devel. Tou kreh lengro dji zorelo, oun tiro kand hi lenge pre.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 132:13

O baro Devel rodas peske i berga Sion vin. Oun leske hi shoukar te djivell lo kote.

Debleskri gili 22:24

T'mer, kay o baro Debles an-mangenna, sharenn les! T'mer lauter dran o kheer Yakob, hadenn les pre! Oun darenn lestar, t'mer lauter dran o kheer Israel!

Debleskri gili 34:6

Kolla, kay ap leste dikenna, lengre yaka venna har i momeli, oun yon hounte ladjenn pen gar.

Debleskri gili 68:17

T'mer berge, t'mer bergetikre sherya, hoske zilverenn t'mer ap koy berga, kolat o Devel peske vin rodas, te djivell yob kote? Ava, hako tsireske ačell o baro Devel koy.

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

Debleskri gili 76:3

An o foro Yerusalem vas leskro kheer kerdo, kote ap i berga Sion djivell lo.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

2. Mose 3:9

Me shounom i Israelengri gole oun dikom, hoy i Egiptarya ap lende krenna. Yon phagenn len, fothe denn le len dava.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jesaja 8:18

Me oun kol čaven, kay o baro Devel man das, ham har i sikepen, hoy sikrell, hoy kamell o baro Devel te krell an Israel, yob, ko ray pral o bolepen oun i phoub, kay hi khere ap i berga Sion.

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”