Debleskri gili 88:7 - O Debleskro Lab 2024 (Sinte-Manouche)

⁷ Tou čival man an i phoub, an o telstunepen, kay kali rat troul mande hi.

O Debleskro Drom 2021 (Sinte)

⁷ Tu tchiwal man an i phub, an o telstunepen, kai kali rat trul mande hi.

Debleskri gili 88:7 ပူးပေါင်းရင်းမြစ်များ

Hiob 10:16

Te hadau miro shero pre, palle leh tou man palla, har te vals i levo, oun sikreh tiri bari zoor, te doukress man.

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 102:10

An tiri rholi dal tou man trad, hadal man pre oun vitsral man pale tele ap i phoub. Doleske rhau yagakri čik har maro. Oun mire sva perenn an miro pipen.

Debleskri gili 32:4

Miro Devel, dives oun rati his tiro vast phares ap mande čiddo, oun miri djipaskri zoor djas yaake peske mandar, har o zenlepen peskri zoor nashrella an o tato niyal.

Debleskri gili 38:1

I gili o Davidestar, te bistrell les o Devel gar.

Debleskri gili 42:7

Kanna, mo Devel, rovell miro dji. Doleske dikau ap toute kote, kay hom: an o them pash o pani Yordan, pash i berge Hermon oun Misar.

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Debleskri gili 90:7

Dran tiri rholi merah yaake sik. Tiri rholi khossell men krik.

Jona 2:3

oun penas: Me dom gole ap o baro Debleste an miri traash, oun yob rakras mantsa. Har kras o merepen peskro mouy pre, te rhal lo man, kharom tout, oun tou shounal mire laba.

Jona 2:4

Tou vitsral man dour tele an o baro pani. Zorele panya his troul mande. Tire tsele panya djan pral oun tele oun phagan pral mande khetne.

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.