Debleskri gili 88:5 - O Debleskro Lab 2024 (Sinte-Manouche)

⁵ Hom lauterenge har yek, kay ap o merepen čiddo hi. Hom har i morsh, koles kek zoor bouder hi.

O Debleskro Drom 2021 (Sinte)

⁵ Hom lauterenge har jek, kai ap o merepen tchiddo hi. Hom har i mursh, koles kek soor buder hi.

Debleskri gili 88:5 ပူးပေါင်းရင်းမြစ်များ

1. Mose 19:29

Har o Devel rhačras kol forya an ko them pash o pani Yordan, kay o Lot khere his, bistras yob o Abrahames gar oun anas o Lotes vin dran kol forya.

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

Hiob 11:10

Te vell yob oun pandell yekes, oun anell les glan i tsillo, te krell lo o čačepen pral leste vin, koon nay rikrals les pale?

Hiob 17:1

Man hi bouder kek zoor. miro djipen hi trouyel. Ap mande lourell o handako.

Hiob 6:9

Har kamoms, te vals leske shoukar, te dell lo man moulo, te lell lo miro djipen mandar.

Debleskri gili 136:23

Yob bistras men gar, har tele rikede hams. Leskro lačepen ačella hako tsireske!

Debleskri gili 28:1

I gili o Davidestar. Tou, baro Devel, hal mange har i baro zorelo bar, kay nay khatrau man. Ap toute dau me gole. Ma risse tire kanda mandar! Tou te shouneh gar, har gole dau, palle hom yaake har kolla, kay pash i moulende an o moulengro them djan.

Debleskri gili 31:12

Kolla, kay mange čilačepen kamenn, san pral mande. Gomme djoungleder kran mange kolla, kay djivenn langs mande. Mire mala trashenn mandar. Te dikenn le man ap o drom, nashenn le penge mandar.

Debleskri gili 31:22

Baro Devel, parkrau man pash toute. Tou sikral tiro baro lačepen ap mande, har homs har i foro, troul koleste boud lourde tarde his.

Debleskri gili 88:16

Foun tiknes pre hom nasselo, oun gar dour o merepastar. Hoske čiveh tou pale te pale i traash ap mande? Me nay hidjrau lat bouder gar.

Jesaja 53:8

Yob vas stildo oun glan i čačepangre anlo oun krik lino, te vell lo maredo. Oun kek nay rakrell leskre čavendar, kay pal leste venna. I doshake mire menshendar vas yob vin tserdedo dran o them, kay i djide djivenn.

Ezekiel 37:11

Oun yob penas ap mande: Tou, mensho, i Israelitarya hi har kal moule kokale. Kanna penenn le: “Mare kokale hi trouk, oun halauter hi nashedo, mentsa hi trouyel.”