Debleskri gili 86:14 - O Debleskro Lab 2024 (Sinte-Manouche)

¹⁴ Miro Devel, pre-phourde morsha hadenn pen ap mande. Kolla, kay zorelo oun čilačo hi, čivan pen khetne, oun kamenn man te marell. Pal toute poučenn le gar.

O Debleskro Drom 2021 (Sinte)

¹⁴ Miro Dewel, pre-phurde mursha hadenn pen ap mande. Kolla, kai sorelo un tchilatcho hi, tchiwan pen khetne, un kamenn man te marell. Pal tute putchenn le gar.

Debleskri gili 86:14 ပူးပေါင်းရင်းမြစ်များ

2. Samuel 16:20

Oun o Absalom penas ap o Ahitofel: “Pen mange, hoy me krap!”

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Debleskri gili 10:13

Hoske nay praasell tout kova, kay kamell toutar či te djinell? Hoske nay penell lo an peskro dji: “O Devel poučella gar palla.”

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 119:51

Ninna te sanenn pre-phourde menshe pral mande, moukom gar tiro drom.

Debleskri gili 119:69

Kol pre-phourde anan rhorhepen pre ap mande. Miro tselo djiyestar krau me kova, hoy tou menge penal.

Debleskri gili 119:85

Kol pre-phourde kran rhebya, te perap dren, kolla, kay djan gar ap tiro drom.

Debleskri gili 14:4

“Djinenn kol čilače gar, hoy yon krenna”, penell o baro Devel, – “kolla, kay rhan mire menshen har i kotar maro? Oun ap mande denn le gar gole.”

Debleskri gili 140:5

Baro Devel, de ap mande yak, te taprenn man i čilače gar! Khate man glan i marepangre, glan kolende, kay kamenn te perap!

Debleskri gili 36:1

I gili o rayeske pral i gipangre. O David, ko baro Debleskro boudepaskro, kras kay gili.

Debleskri gili 36:11

Čip tiro lačepen ap kolende, kay tout prindjrenna, oun mouk tiro čačepen te vell kolenge, kay shounenn ap toute o tselo djiyestar.

Debleskri gili 54:3

Miro Devel, sike koon tou hal oun ab ap miri rig! Sike tiri zoor oun kre, te lap miro čačepen!

Debleskri gili 54:5

Menshen, kay me gar prindjrau, kolla hadenn pen ap mande, depangre kamenn man te marell. O Devel hi len gar glan i yaka.

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”