Debleskri gili 81:9 - O Debleskro Lab 2024 (Sinte-Manouche)

⁹ Mire menshe, shounenn ap mande, me dau t'men trad. Israel, shouness, hoy me touke penau:

O Debleskro Drom 2021 (Sinte)

⁹ Mire menshe, shunenn ap mande, me dau tumen trad. Israel, shuness, hoi me tuke penau:

Debleskri gili 81:9 ပူးပေါင်းရင်းမြစ်များ

1. Rajengro liil 22:19

O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

Debleskri gili 44:20

Fothe kram kova gar, hi kova yaake, har te dals tou men khetne, oun moukals men mank divye djoukle te djivell. Kek momeli hi glan mende.

Debleskri gili 50:7

“Mire menshe, shounenn! Me kamau rakrell. Israel, shoun, har me, tiro Devel penau touke, kay kova, hoy kral, gar mishto hi.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

Jesaja 28:23

Shounenn, hoy penau! Denn mishto yak ap miro rakepen!

Jesaja 43:12

Me penom glan-vi, hoy kroms; me lom t'men vin dran o pandepen, yaake har penom. Kek vavar devel mank t'mende kras kova. Kova nay penenn t'mer i vavarenge. Kova penell o baro Devel. Me hom o Devel.

Hosea 4:1

T'mer Israelitarya, shounenn, hoy o baro Devel t'menge penell! O baro Devel hounte čingrell t'mentsa, kay djivenn an o them Israel. T'mer rikrenn gar khetne, han gar kamles yek o vavareha oun prindjrenn o Debles gar.

Maleachi 2:11

I menshe dran Youda phagan pengri sovel, hoy dan le pengro Debleste. Oun an o them Israel oun an o foro Yerusalem djal djoungelo koova, hoy i menshen pale-čiddo krell. I morsha an Youda romedineran djouvyen, kay vavar deblen an-mangenna. Oun yaake kran le o kheer pale-čiddo, kay o baro Devel djivell, oun hoy lo kamell.

5. Mose 32:12

Yaake kras kova lentsa o baro Devel, yob kokres, kek vavar devel his leske ap i rig.

5. Mose 6:14

Ma dja vavar deblenge palla, kolen i menshe dran i themma troul t'mende, an-mangenn.