Debleskri gili 81:5 - O Debleskro Lab 2024 (Sinte-Manouche)

⁵ Ap kava lab hounte rikrenn pen i Israelitarya. Kava hi i čačepaskro lab, hoy o Yakobeskro Devel lende das.

O Debleskro Drom 2021 (Sinte)

⁵ Ap kau lab hunte rikrenn pen i Israelitarja. Kawa hi i tchatchepaskro lab, hoi o Jakobeskro Dewel lende das.

Debleskri gili 81:5 ပူးပေါင်းရင်းမြစ်များ

Debleskri gili 114:1

Har o Israel dran o them Egiptia vin djas, har o Yakobeskre menshe kol menshen moukan, kolengro rakepen yon gar hayvan,

Debleskri gili 77:15

Tou hal ko Devel, kay savo baro koova krell, hoy kek vavar nay krella. Tou sikral tiri bari zoor pash i menshende an vavar themma.

Debleskri gili 78:6

Yaake te djinenn les kolla, kay pal lende venna, kolla, kay gomme gar bolde hi. Yon ninna sikrenn o Debleskro drom pengre čavende,

2. Mose 11:4

Har his o Mose gomme pash o Farao, penas lo leske: “Kava penell o baro Devel: Mashkral an i rat kamau me mank o them Egiptia te djal.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

2. Mose 12:27

Palle penenn lenge: Kava bakro, hoy maram ap ko dives, hoy kharella Passa, kava bakro maram o baro Debleske. Har das yob an o them Egiptia i Egiptarya temerl, djas yob gar an i khera, kay i Israelitarya djivan. Yob djas doureder. I menshe an mare khera moukas lo te djivell.” Kote vitsran pen i Israelitarya tele oun mangan o Debles an.

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

Jesaja 28:11

Ava, i tsiro vella, koy bičrell o Devel vi-themarya pash kal menshende. Oun kolengro rakepen hayvenn le gar.

Jeremia 5:15

Pen kol menshenge an Israel: Me anau menshen foun doural pash t'mende, penell o baro Devel, menshe, kolengro rakepen, oun hoy yon penenna, hayvenn t'mer gar. I phouri natsyona hi le. Oun len hi bari zoor.

Ezekiel 20:20

Oun rikrenn o Debleskro dives dren, te krenn kek boudi ap leste. Ko dives hi i sikepen koleske, hoy vin kram, te djinenn t'mer, te hom me, o baro Devel, t'maro Devel.

Amos 6:6

Mool piyenn t'mer dran khore, oun makenn t'men dren o feteder djeteha. Oun t'men hi gar ropaske pral o kheer Yosef, hoy paash dino vell.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.