Debleskri gili 80:18 - O Debleskro Lab 2024 (Sinte-Manouche)

¹⁸ Rike tiro vast pral koleste, kay hi beshdo ap tiri čači rig, pral ko morsheste, koles tou zoreles kral.

O Debleskro Drom 2021 (Sinte)

¹⁸ Rike tiro wast pral koleste, kai hi beshdo ap tiri tchatchi rig, pral ko mursheste, koles tu soreles kral.

Debleskri gili 80:18 ပူးပေါင်းရင်းမြစ်များ

Esra 7:6

Kava morsh Esra djas vin dran o them Babilonia, te djal lo an o foro Yerusalem. Yob his i sikepaskro, oun djinas kol laba mishto, hoy an o Moseskre lila činlo hi. Kol laba das o baro Devel peskre menshende Israel. Oun har o Esra gomme an Babilonia his, rikras o baro Devel peskre vasta pral leste, oun kras, te das o baro ray o Esraes halauter, hoy yob lestar mangas.

Esra 7:9

Ap o ersto dives an o ersto čon kran le pen ap o drom, oun ap o ersto dives an o pančto čon van le an o foro Yerusalem. O Debleskro kamlo vast his pral leste.

Debleskri gili 119:107

Miro dji hi phares doukedo, baro Devel. De man pale nevi zoor yaake har tou mange penal!

Debleskri gili 119:154

Le tou miro koova an tiro vast, oun le man vin dran i čilače vasta! De man pale nevi zoor yaake har tou mange penal!

Debleskri gili 119:156

Baro Devel, tou kreh tiro dji dour pre menge. De man pale nevi zoor tire čačepaskre labentsa!

Debleskri gili 119:25

An i čik hom vitsedo. De man pale nevi zoor yaake har tou mange penal!

Debleskri gili 119:37

Kre, te dikap gar ap kova, hoy či moldo hi, oun de man pale nevi zoor ap tiro drom!

Debleskri gili 119:40

Pen mange, hoy te krap touke! Tou hal an o čačepen tardo. De man pale nevi zoor an miro djipen!

Debleskri gili 71:20

Tou moukal boud oun bari daar ap mande te vell. Oun tou deh man pale nevo djipen, oun aneh man pale vin dran o telstunepen i phoubyatar.

Debleskri gili 79:13

Mer ham tire menshe. Tou hal menge har i bakrengro, kay anell peskre bakre kote, kay hatsenn le rhapaske. Mer parkrah men pash toute hako tsiro, oun sharah tout kanna oun an ko tsiro, hoy vella.

Debleskri gili 85:6

Kameh i tsele tsirya ap mende rhoyedo te ačell? Moukeh tou bouder gar tiri rholyatar tele?

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.