Debleskri gili 80:15 - O Debleskro Lab 2024 (Sinte-Manouche)

¹⁵ Ab pale pash mende, tou, o Devel pral o bolepen oun i phoub! Dik dran o bolepen ap mende, oun de pale yak ap tiro drakengro rouk!

O Debleskro Drom 2021 (Sinte)

¹⁵ Ab pale pash mende, tu, o Dewel pral o bolepen un i phub! Dik dran o bolepen ap mende, un de pale jak ap tiro drakengro ruk!

Debleskri gili 80:15 ပူးပေါင်းရင်းမြစ်များ

Debleskri gili 80:8

Tou, Devel oun ray pral o bolepen oun i phoub, hade men pale pre! Dik lačes ap mende, yaake djal menge pale mishto.

Debleskri gili 89:21

Me hatsom o Davides, miro boudepaskro. Me makom les miro djeteha, te vell lo baro ray.

Debleskri gili 90:13

Baro Devel, har rah kameh te rhoyreh tout ap mende? Dik pale lačes ap mende, tire boudepangre!

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 49:5

Kova his o baro Devel, kay kras man yaake, te vap leskro boudepaskro, har gomme gar boldo vom. Yob kamell, te anap o Yakobes pale pash leste, yaake te vell o tselo Israel pash leste khetne. Oun miri boudi hi boud moldo an i yaka o baro Deblestar. Miro Devel vas miri zoor. Kanna shounenn, hoy lo penas:

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jeremia 2:21

Me čivom tout dren har i vi-rodedo drakengro rouk, i lačo shoukar rouk. Oun hoy vas kanna dran toute? I divyo djoungelo rouk!

Ropaskre gilja 3:50

bis te dikell o baro Devel dran o bolepen tele, oun lell men pale an o yak.

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Zakarie 6:12

Oun pen leske: Kova penell o baro Devel, ko ray pral o bolepen oun i phoub: Ko morsh, kay vell kharedo nevo rouk, vell baro ap peskri platsa. Oun yob krell o baro Debleske i nevo kheer.

Markus 12:1

Oun o Yezous penas lenge laba, kay i khatedo čačepen dren hi. Oun yob penas: His i morsh, koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas lo ko kotar phoub ap i harhende, te boudrenn le kote leske. Oun yob djas peske an i vavar them.

Johanni 15:1

“Me hom ko čačo drakengro rouk. Oun miro dad hi ko harho, kay boudrell an koy baar, kay i drakengre rouka tardo hi.

5. Mose 26:15

Dik tele ap mende dran tiro bolepaskro kheer! Oun čip tiri barht ap mende, tire menshende Israel, oun ap ko them, hoy tou men dal, yaake har tou tout glan mare phourende sovel dal, te deh men i them, hoy yaake lačo hi, te nashell thoud oun gvin koy dren.”