Debleskri gili 79:8 - O Debleskro Lab 2024 (Sinte-Manouche)

⁸ De men kek phagi koleske, hoy mare phoure kran! Kre sik tiro dji menge pre! Dik, men hi bouder kek zoor!

O Debleskro Drom 2021 (Sinte)

⁸ De men kek phagi koleske, hoi mare phure kran! Kre sik tiro dji menge pre! Dik, men hi buder kek soor!

Debleskri gili 79:8 ပူးပေါင်းရင်းမြစ်များ

1. Mose 15:16

Oun pal star menshengro phourepen venna tire menshe kate pale. Koy doosh kolendar, kay kanna kate djivenn – kolla hi i Amorarya – hi kanna gar bares doha, te tradap len vin.”

1. Rajengro liil 17:18

Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

Debleskri gili 106:43

Boud kope las lo len dran lengre vasta vin. Oun pale te pale kran le kova, hoy rhoyras les, oun moukan gar tele pengro čilačo koova, oun van boud oun boudeder koy dren.

Debleskri gili 116:6

O baro Devel dell yak ap kolende, kay nay denn gar kokres ap pende yak. Har his man kek zoor, vas lo mange ap i rig.

Debleskri gili 130:3

Te činals tou, baro Devel, mari doosh an i liil, koon nay ačals palle glan toute tardo?

Debleskri gili 142:6

Baro Devel, ap toute dau me gole, oun penau touke: Pash toute nay khatrau man. Tou hal kova, hoy man an miro djipen hounte vell.

Debleskri gili 21:3

Kova, hoy yob o djiyestar kamas, dal tou les, oun kova, hoy yob toutar mangas, rikral gar pale.

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

2. Mose 32:34

Oun kanna dja pale! An kol menshen an ko them, kay me rakrom lestar. Miro bolepaskro djal glan toute. Te vell miro tsiro, dau i Israelitaryen pengri phagi.”

Jesaja 64:9

Tire forya van har i moulo them. O foro Yerusalem hi paash dino oun i berga Sion mouklo.

Ezekiel 2:3

Tou, mensho, me bičrau tout pash i Israelitarya. Kolla hadan pen oun peran mandar tele. Ninna lengre phoure hadan pen pale te pale pral mande. Oun kolla, kay kava dives djivenn, hi gar vavarčandes.

Daniel 9:16

Ah, maro ray, kre pal tiro tselo čačepen! Oun mouk tiri rholi pale te djal! Ab bouder gar rhoyedo ap tiro foro Yerusalem oun ap koy berga, kay tou djival. Mer oun mare phoure anam doosh ap mende oun kram čilačo koova. Oun kolla lauter, kay djivenn troul mende, praasenn doleske tiro fores Yerusalem oun tire menshen.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

5. Mose 28:43

Kol vi-themarya, kay mank t'mende djivenn, venn zorleder oun zorleder pral t'mende. Oun t'mer nashrenn t'mari zoor pral lende.

Debleskro tsiro 18:5

Ko foro hi har i djouvel, hoy vi-ladjedo koova kras. Lakri doosh hi yaake baro, te djal koy doosh an o bolepen pre. Oun o Devel bistras ko čilačo koova gar, hoy yoy kras.