Debleskri gili 79:5 - O Debleskro Lab 2024 (Sinte-Manouche)

⁵ Baro Devel, har rah ačell tiri rholi ap mende? Har rah rhačrell li har i yag?

O Debleskro Drom 2021 (Sinte)

⁵ Baro Dewel, har rah atchell tiri choli ap mende? Har rah chatchrell li har i jag?

Debleskri gili 79:5 ပူးပေါင်းရင်းမြစ်များ

Debleskri gili 103:9

Yob čingrell gar hako tsireske, oun ačell gar hako tsireske rhoyedo.

Debleskri gili 6:4

Man hi bari traash. Ah, baro Devel, har rah hal tou rhoyedo ap mande?

Debleskri gili 74:1

Givede laba o Asafestar. Maro Devel, hoske čival tou men pale hako tsireske? Hoske hal tou yaake rhoyedo pral mende? Tou hal maro bakrengro, oun mer ham tire bakre!

Debleskri gili 80:4

Baro Devel, hade men pale pre! Dik lačes ap mende, yaake djal menge pale mishto.

Debleskri gili 80:5

Tou, baro Devel oun ray pral o bolepen oun i phoub, har rah kameh tou mentsa rhoyedo te vell, kanna, kay tire menshe tout an-mangenn?

Debleskri gili 85:5

Maro Devel, kay tou lauter menge mishto kreh, ab ninna kanna ap mari rig! Mouk tele tiri rholyatar, hoy tout ap mende hi!

Debleskri gili 89:46

Glan o tsiro moukal tou les phouro te vell, oun anal ladj ap leste.

Debleskri gili 89:47

Baro Devel, har rah kameh tout gomme te khatrell? Har rah moukeh tiri rholi te rhačrell har i yag?

Jesaja 64:9

Tire forya van har i moulo them. O foro Yerusalem hi paash dino oun i berga Sion mouklo.

Ropaskre gilja 5:22

Vitsral men toutar krik hako tsireske? Nay djal tiri rholi pral mende gar krik?

Ezekiel 36:5

Doleske penell o baro Devel, maro ray: Čačepah, an miri tati rholi rakrom me i phagi vin pral i menshende an o them Edom oun an i themma troul t'mende, kolla miro them penge lan, te randenn le les vin. Koy pashel san le pen moulo pral t'mende, te djas t'menge yaake, oun praasan t'men.

Micha 7:18

Kek Devel hi har tou, kay lell o čilačepen krik, hoy mer kram, oun kay bistrell koy doosh, hoy anam ap mende – mer, kay tire menshendar pral ačam. Tou ačeh gar rhoyedo pral mende hako tsiro, oun kreh tiro dji pre menge.

Zefanja 1:18

Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Zakarie 1:12

Koy penas o bolepaskro: “Baro Devel, tou ray pral o bolepen oun i phoub, har rah kameh tou gar tiro dji pre te krell i menshenge an Yerusalem oun an i vavar forya an o them Youda? 70 (efta-deesh) bersha hal rhoyedo pral lende.”

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 32:16

O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”