Debleskri gili 79:2 - O Debleskro Lab 2024 (Sinte-Manouche)

² Tire boudepangren dan le moulo, oun lengro mass dan le i čirklende tel o bolepen te rhal. Kolen, kay tou touke vi-rodal, maran le, oun lengro mass dan le i divye firhen te rhal.

O Debleskro Drom 2021 (Sinte)

² Tire budepangren dan le mulo, un lengro mass dan le i tchirklende tel o bolepen te chal. Kolen, kai tu tuke wi-rodal, maran le, un lengro mass dan le i diwje viechen te chal.

Debleskri gili 79:2 ပူးပေါင်းရင်းမြစ်များ

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 19:7

Hoy kol menshe an o them Youda oun an Yerusalem penge glan lenn, moukau me gar te vell. Me moukau kolen pral lende te vell, kay kamenn len te marell, oun krau, te venn le moulo dino o rhareha. Oun kol moulen dau i čirklende oun i divye firhende rhapaske.

Jeremia 34:20

Oun me dau len an i vasta kolendar, kay kamenn len te marell, oun lenge ap o djipen djan. Oun lengro moulo mass vell o rhapen i čirklenge oun i divye firhenge.

Jeremia 7:33

Čirkle oun divye firhe rhan kol moule menshen pre, oun kek tradell len krik.

Zefanja 1:17

I menshe kran čilačepen ap mande. Doleske krau len darenes, te nashenn le trouyel har korele menshe. Lengro rat te nashell ap i phoub har čik, hoy krik vitsedo vell. Oun lengre bouke venn krik vitsedo har te vans le foul.

5. Mose 28:26

Oun te han moulo koy čiddo, palle venn i čirkle oun i divye firhe, te rhan le t'maro mass. Oun kek tradell len krik.