Debleskri gili 79:13 - O Debleskro Lab 2024 (Sinte-Manouche)

¹³ Mer ham tire menshe. Tou hal menge har i bakrengro, kay anell peskre bakre kote, kay hatsenn le rhapaske. Mer parkrah men pash toute hako tsiro, oun sharah tout kanna oun an ko tsiro, hoy vella.

O Debleskro Drom 2021 (Sinte)

¹³ Mer ham tire menshe. Tu hal menge har i bakrengro, kai anell peskre bakre kote, kai hatsenn le chapaske. Mer parkrah men pash tute hako tsiro, un sharah tut kanna un an ko tsiro, hoi wella.

Debleskri gili 79:13 ပူးပေါင်းရင်းမြစ်များ

Debleskri gili 100:3

Ma bistrenn: O baro Devel kokres hi o Devel! Yob kras men, oun leskre ham mer. Leskre menshe ham, oun yob hi menge har i bakrengro, kay djal glan leskre bakre oun anell len kote, kay len doha rhapaske hi.

Debleskri gili 145:4

Ninna mare čavengre čave sharenn, hoy tou kral, oun rakrenn pral tiro zorelo koova.

Debleskri gili 44:8

Tou hal kova, kay lell men vin dran i čilače vasta. Oun tou kreh kolen tikno, kay kamenn menge čilačepen.

Debleskri gili 45:17

Miro ray, mou vell ko tsiro, kay beshenn tire morsh čave ap o rayeskri beshepaskri, kay tire phoure dada beshdo his; oun tou kreh len rayen pral i tseli phoub.

Debleskri gili 74:1

Givede laba o Asafestar. Maro Devel, hoske čival tou men pale hako tsireske? Hoske hal tou yaake rhoyedo pral mende? Tou hal maro bakrengro, oun mer ham tire bakre!

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Debleskri gili 74:22

Ste pre, miro Devel, oun kre o čačepen vin! Dik ko praasepen, koleha tout kol dinele hako dives praasenna.

Debleskri gili 95:7

Yob hi maro Devel, oun mer ham leskre menshe. Yob dell yak ap mende har i bakrengro dell yak ap peskre bakre, oun anell len kote, kay hi len doha te rhal. Kava dives rakrell yob ap t'mende. Shounenn ap leskre laba:

Jesaja 43:21

Oun mire menshe Israel, kolen mange krom, sharenn man glan i vavarende.