Debleskri gili 79:12 - O Debleskro Lab 2024 (Sinte-Manouche)

¹² Kolla, kay an i themma troul mende djivenn, praasan tout, maro rayes. De len kova efta kope pale, hoy kran le ap toute!

O Debleskro Drom 2021 (Sinte)

¹² Kolla, kai an i themma trul mende djiwenn, praassan tut, maro rajes. De len kowa efta kope pale, hoi kran le ap tute!

Debleskri gili 79:12 ပူးပေါင်းရင်းမြစ်များ

1. Mose 4:15

Koy penas o baro Devel: “Na-a! Hakeno, koon o Kaynes moulo della, koleskre menshendar venn efta menshe moulo dino.” Oun o baro Devel kras i sikepen glan ap leskro shero, te djinell hakeno, koon hatsell les, te nay marell lo les gar.

Debleskri gili 44:16

O tselo dives hi miri ladj glan mande, oun miro mouy rhačrell glan ladj.

Debleskri gili 74:10

Miro Devel, har rah moukeh tou len pal toute te sal? Moukeh tou len hako tsiro tiro lab te praasell?

Debleskri gili 89:52

Baro Devel, kolla, kay tout gar kamenna, praasenn man, o baro rayes, koles tou touke vin rodal.

Gosewe laba 6:31

oun palle tapedo vas, hi gar yaake baro har koy ladj koleske, kay las pes i vavareskri romni. Ko čorepaskro hounte dell efta kope yaake boud pale, har čoras lo, ninna te hi kova lauter, hoy les hi. Kova, kay las peske i vavareskri romni, kova hi narvelo. Savo koova krell kokres yek, kay kamell bouder gar te djivell.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Ezekiel 35:12

Palle dikenn oun hayvenn t'mer, te shounom me o baro Devel, ko tselo djoungelo koova, hoy t'mer pral i berge Israel rakran, har t'mer penan: I berge Israel hi vi-meredo koy čiddo. Kanna hi le menge koy.

Ezekiel 36:7

Doleske penau me, o baro Devel, t'maro ray: Me hadau miro vast oun dau man sovel: Čačepah, kol vavar menshe, kay djivenn an i themma troul t'mende, yon hi kolla, kay venn praasedo vavarendar.

3. Mose 26:21

Oun te sikrenn mange o doumo oun kamenn gar ap mande te shounell, palle dau me t'men i phagi, hoy gomme efta kope phareder hi har kaya bis kanna.

3. Mose 26:28

palle djau me an rholi ap t'mende, oun dau t'men i phagi hoy hi efta kope phareder har kaya, hoy bis kanna ap t'mende vas.

Louka 6:38

Denn i menshen lačo koova! Oun o Devel dell t'men lačo koova! Ava, yob dell t'men yaake boud, te hi t'men boudeder har doha. Yob dell t'men yaake boud, te nay lenn kova gar lauter. Doleske penau t'menge: T'mer te denn boud, palle dell o Devel t'men boud. T'mer te denn gar boud, palle dell o Devel t'men gar boud.