Debleskri gili 78:64 - O Debleskro Lab 2024 (Sinte-Manouche)

⁶⁴ I rashaya van maredo o rhareha, oun lengre romya nay rovan gar pral pengre moule romende.

O Debleskro Drom 2021 (Sinte)

⁶⁴ I rashaja wan maredo o chareha, un lengre romja nai rowan gar pral pengre mule romende.

Debleskri gili 78:64 ပူးပေါင်းရင်းမြစ်များ

Hiob 27:15

Kolla lendar gomme pral ačenn, kolen marell i djoungelo nasslepen. Oun lengre romya nay rovan gar pral pengre moule romende.

Ezekiel 24:23

T'mare dikle moukenn troul t'mare sherya oun kirrha ap t'mare pire. T'mer denn gar gole oun rovenn gar. T'mer perenn an t'mende khetne, yaake baro hi i doosh ap t'mende. Oun mank t'mende lenn t'mer phares dourho.

1. Samuel 4:11

Oun o morhton, kay o Debleskre deesh laba dren hi, vas lendar lino. Oun o Elyeskre douy čave, o Hofni oun o Pinhas, meran.

1. Samuel 4:17

Koy penas ko bičepaskro: “O Israel nashas glan i Filistarya. Kolla dan men phares, oun tire douy čave, o Hofni oun o Pinhas hi moule, oun ko morhton, kay o Debleskre deesh laba dren hi, lan le mendar.”

1. Samuel 4:21

Oun yoy das ko čaves o lab Ikabod. Ko lab kharell: O raylepen djas peske dran o Israel. Kova penas yoy doleske, kay lan le o morhton lendar, kay o Debleskre deesh laba dren hi, oun doleske, kay lakro romeskro dad oun lakro rom meran.

1. Samuel 4:22

Doleske penas li: “O raylepen djas peske dran o Israel. O morhton, kay o Debleskre laba dren hi, hi krik lino.”