Debleskri gili 78:49 - O Debleskro Lab 2024 (Sinte-Manouche)

⁴⁹ Yaake bičras o Devel peskri bari rholi ap i Egiptarya. Leskri rholi his har i yag, hoy rhačras, oun i bari phagi pral lende anas. I bibarht tapras len har te vals lat bičedo i bolepangrendar, kay anenn o merepen.

O Debleskro Drom 2021 (Sinte)

⁴⁹ Jaake bitchras o Dewel peskri bari choli ap i Egiptarja. Leskri choli his har i jag, hoi chatchras, un i bari phagi pral lende anas. I bibacht tapras len har te wals lat bitchedo i bolepangrendar, kai anenn o merepen.

Debleskri gili 78:49 ပူးပေါင်းရင်းမြစ်များ

2. Samuel 24:16

Har sikras ko bolepaskro peskro vasteha ap o foro Yerusalem, te vell ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

Hiob 1:12

Kote penas o baro Devel ap o beng: “Mishto! Halauter, hoy les hi, dau an tiro vast. Les kokres ma tape an!” Pal kova djas o beng krik o baro Deblestar.

Hiob 20:23

Ap ko tsiro, kay krell lo peskro per pherdo, bičrell o Devel peskri zoreli rholi ap leste, oun moukell lat har brishin tele ap leste te perell.

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

2. Mose 15:7

Raylo oun baro hal, oun khetne stakral, koon pes pral toute hadas. Tiri rholi vas har i yag pral lende. Har i yag o phouss rhačrell, yaake lendar či ačell.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Ropaskre gilja 4:11

O baro Devel moukas peskri tseli rholi vin te vell. Leskri tseli rholi vas pral lende. Oun an o foro Sion moukas lo i bari yag te vell, te rhačras o foro tele bis ap i telstoune barra.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.