Debleskri gili 78:24 - O Debleskro Lab 2024 (Sinte-Manouche)

²⁴ oun das len bolepaskro djob te rhal, hoy kharell Manna. Kova peras tele ap lende, har brishin tele perell ap i phoub.

O Debleskro Drom 2021 (Sinte)

²⁴ un das len bolepaskro djob te chal, hoi kharell Manna. Kowa peras tele ap lende, har brishin tele perell ap i phub.

Debleskri gili 78:24 ပူးပေါင်းရင်းမြစ်များ

Nehemia 9:15

Oun maro dran o bolepen dal tou len, har len bok his. Oun moukal lenge dran o baro bar pani vin nashell, har len troush his. Oun tou penal lenge, te djan le koy oun lenn o them dren. Ko them koleske tou tiro vast hadal, oun dal tout sovel, te dess len ko them.

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Debleskri gili 105:40

Yon mangan lestar mass, oun yob moukas pesse čirkle te vell. O mareha dran o bolepen kras lo len čalo.

Debleskri gili 68:9

kote trissas i phoub, oun o bolepen das baro brishin glan toute, o Debleste ap i berga Sinay, ava, glan o Debleste pral o Israel.

2. Mose 16:14

Oun har o kham vas, oun i phoub bouder gar sapeno his, his tikne sane kotya ap i phoub čiddo, hoy dikan vin har tikne kotya djayedo pani.

2. Mose 16:4

Kote rakras o baro Devel ap o Moseste: “Me moukau t'menge maro dran o bolepen tele te perell. Pen i menshenge te djan le hako dives vin, te lenn le penge yaake boud, har yon an yek dives nay rhan. Yaake nay dikap me palla, te kamenn le čačepah pal miro lab te djivell.

1. Korintarja 10:3

Oun yon halauter rhan ko yek rhapen, hoy vas o Deblestar.

5. Mose 29:5

T'men his kek maro te rhal, oun kek mool oun vavar zorelo pipen te piyell. O baro Devel das t'men rhapaske, te hayvenn t'mer, te hi yob t'maro Devel.

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.