Debleskri gili 78:19 - O Debleskro Lab 2024 (Sinte-Manouche)

¹⁹ Oun yon rakran pal o Debleste oun penan: “Nay dell men o Devel rhapen kate an o moulo tato them?

O Debleskro Drom 2021 (Sinte)

¹⁹ Un jon rakran pal o Debleste un penan: “Nai dell men o Dewel chapen kate an o mulo tato them?

Debleskri gili 78:19 ပူးပေါင်းရင်းမြစ်များ

2. Rajengro liil 7:2

Ko pralstouno lourdo, kay čivas pes o baro ray ap leskri moussi, penas ap ko Debleskro morsheste: “Ninna te krals o baro Devel gomme kava dives o bolepen pre oun dals brishin, har nay djal kova?” O Elisa penas: “Tire yakentsa dikeh tou kova, oun či rhah tou kolestar.”

2. Familjakro liil 32:19

Oun yon rakran djoungele laba pral o Debleste, kay an o foro Yerusalem djivell, har te vals lo i devel har kolla, kay i menshengre vastentsa kerdo hi, oun kolen i menshe an vavar themma an-mangenn.

Hiob 34:37

Gar kokres doosh anas lo ap peste, na-a, yob hadas pes ninna pral o Debleste. Glan mare kanda krell bare laba oun rikrell o Debles dineleske.

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

2. Mose 16:3

Oun yon penan: “Vals feteder, te dals men o baro Devel moulo an o them Egiptia, har hams beshdo pash i pirya pherdo mass, oun kay his men doha maro, te nay rham men čalo. T'mer anan men kate an o moulo tato them, te meras halauter i bokatar.”

4. Mose 11:13

Kay lap me mass, te dap les kal tsele menshende? Yon rovan glan mande, oun penan: De men mass te rhal!

4. Mose 11:4

Mank i Israelitarya his ninna vavar menshe, kay lentsa djan. Kolen vas i bari bok pal mass. Koy rovan kol Israelitarya ninna pale, oun penan: “Koon dell men mass rhapaske?

4. Mose 20:3

Oun yon čingran ap o Mose oun penan: “Ah, te merams mer an ko tsiro, har mare menshe meran glan o baro Debleste!

4. Mose 21:5

Oun yon čingran ap o Debleste oun ap o Moseste oun penan: “Hoske anal tou men dran o them Egiptia vin, te meras mer an o moulo tato them, kay hi kek maro oun kek pani? Oun menge vell djoungelo ko rhapastar, kay kek thulepen dren hi?”

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

Debleskro tsiro 13:6

Oun yob praasas o Debles, oun rakras djoungeles pral leskro lab oun leskro kheer. Ninna kolen, kay an o bolepen djivenna, praasas lo.