Debleskri gili 77:15 - O Debleskro Lab 2024 (Sinte-Manouche)

¹⁵ Tou hal ko Devel, kay savo baro koova krell, hoy kek vavar nay krella. Tou sikral tiri bari zoor pash i menshende an vavar themma.

O Debleskro Drom 2021 (Sinte)

¹⁵ Tu hal ko Dewel, kai sawo baro koowa krell, hoi kek wawar nai krella. Tu sikral tiri bari soor pash i menshende an wawar themma.

Debleskri gili 77:15 ပူးပေါင်းရင်းမြစ်များ

Debleskri gili 72:18

Sharas o baro Debles, ko Debles pral o Israel. Yob kokres krell baro oun zorelo koova!

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

2. Mose 15:13

Tire menshenge kamlo hal, kolenge, kay tou i zoryah vin lal oun ap i lačo drom anal, hoy pash tiro Debleskro kheer djal.

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Daniel 6:28

Yob nay lell yekes dran o merepen vin, an havi bibarht kova ninna hi. An o bolepen oun ap i phoub, krell lo baro zorelo koova, hoy kek vavar nay krella. O Danieles las yob dran i levengre mouya vin, yaake te nay doukran le les gar.

5. Mose 9:26

Oun me mangom o baro Debles oun penom: “Baro Devel miro ray, ma mare tire menshen, kol menshen, kay tou vin lal dran o them Egiptia tiri bari zoryah oun tiro zorelo vasteha, te venn le tire menshe!

5. Mose 9:29

Yon hi tire menshe, kolen tou vin lal dran o them Egiptia tiri bari zoryah oun tiro zorelo vasteha, te venn le tire menshe!”

Josua 3:5

Oun o Yosua penas ap i menshende: “Krenn t'men djoudjo o Debleske! Taysar krell o baro Devel i baro koova mashkral t'mende.”