Debleskri gili 76:12 - O Debleskro Lab 2024 (Sinte-Manouche)

¹² Denn t'men sovel, te denn čomone o baro Debleste, kay t'maro Devel hi. Oun rikrenn t'mari sovel! Anenn leske kouč koova, t'mer dran i tsele themma, kay troul leste hi. Yob hi kova, kolestar hakeno darella.

O Debleskro Drom 2021 (Sinte)

¹² Denn tumen sowel, te denn tchomone o baro Debleste, kai tumaro Dewel hi. Un rikrenn tumari sowel! Anenn leske kutch koowa, tumer dran i tsele themma, kai trul leste hi. Job hi kowa, kolestar hakeno darella.

Debleskri gili 76:12 ပူးပေါင်းရင်းမြစ်များ

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Debleskri gili 2:10

Doleske avenn gar dinele, t'mer bare raya ap kay phoub! Shounenn mishto ap kova, hoy penau, t'mer, kay han čačepangre raya ap kay phoub!

Debleskri gili 2:5

Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo:

Debleskri gili 47:2

T'mer menshe dran i tsele themma, denn an i vasta! Sharenn o Debles oun denn leske barhteles gole!

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Debleskri gili 68:12

O baro Devel penas i lab; oun boud djouvya nashan oun penan ko shoukar koova, hoy djas:

Debleskri gili 68:35

Hadenn o Debles! Yob hi o bareder. Leskro raylepen hi pral o Israel, oun leskri zoor djal bis ap i volke.

Jesaja 24:21

Oun ap ko dives dell o baro Devel i bolepangre lourden lengri phagi, oun ninna i bare rayen ap i phoub.

3. Mose 23:38

Ninna rikrenn t'mer hako kourko o Debleskro dives dren! Oun anenn o baro Debleske ko vavar koova, hoy glan činlo hi, oun kova, hoy t'mer t'mendar denn, oun kova, hoy t'mer sovel dan, leske te dell.

Zefanja 3:6

O baro Devel penell: Me krom, te hi tsele natsyone bouder gar koy. Lengre forya hi paash. Lengre zorele khera hi tele phagedo, Kek menshe djivenn bouder koy. Ap i dromma djal bouder kek mensho. Halauter hi krik.

Josua 5:1

Oun i tsele bare raya pral i Amorarya, kay ap koy rig o panyestar Yordan djivan, kay o kham tele djal, ninna i tsele bare raya pral i Kanaanitarya, kay pash o Baro Pani djivan, kolla halauter shounan, har las o baro Devel o pani dran o Yordan krik glan i Israelitarya, bis te yon halauter ap i vavar rig his. Oun har yon kova shounan, vas bari traash ap lende, oun an kekeste ačas i zoor te djal lo pre ap i Israelitarya.

Debleskro tsiro 6:15

Oun i tsele menshe khatran pen: i raya pral i themma ap i phoub, i bare oun i bravele, i lourdengre pralstoune oun vavar pralstoune, ninna i boudepangre oun lengre raya. Yon khatran pen an i phoub, oun mashkral i bare barra,