Debleskri gili 75:5 - O Debleskro Lab 2024 (Sinte-Manouche)

⁵ Me penom ap kolende, hoy pen bares krenn: Ma phourdenn t'men yaake pre! Oun ap i čilačende penom: Ma hadenn t'men!

O Debleskro Drom 2021 (Sinte)

⁵ Me penom ap kolende, hoi pen bares krenn: ‘Ma phurdenn tumen jaake pre!’ Un ap i tchilatchende penom: ‘Ma hadenn tumen!

Debleskri gili 75:5 ပူးပေါင်းရင်းမြစ်များ

2. Familjakro liil 30:8

Ma krenn t'mare djia har bar, har les t'mare phoure kran! Shounenn ap o baro Debleste! Oun avenn an leskro kheer, koles yob peske vin rodas hako tsireske, oun mangenn les an, kay t'maro Devel hi! Palle djal leskri bari rholi t'mendar krik.

Debleskri gili 66:7

Yob hi o baro ray hako tsireske. Leskri zoor pral i menshenge hi baro. Hake themma lell yob an o yak, te nay hadenn pen kolla gar, kay lestar tele peran.

2. Mose 32:9

Oun o baro Devel penas ap o Mose: “Me dikau, kay djivenn kol menshe pal pengro shero oun kamenn gar te shounell.

Jesaja 48:4

Me djinau, te hi t'men barrengre djia, oun t'mare menya hi zorelo har dran saster, oun t'mare sherya har dran lolo saster.

Ezekiel 2:4

Yon djan pal pengro shero, oun lengro dji hi dran bar. Pash kolende bičrau tout. Lenge peness: Kava penell o baro Devel, maro ray!

Bičepangre 7:51

Oun o Stefano penas doureder ap lende: “T'mer kamenn či te hayvell. T'maro dji hi har bar. T'mare kandentsa shounenn či, oun kamenn gar ap o Debleskro Dourho te shounell. Yaake kran t'mare phoure. Yaake krenn ninna t'mer.

5. Mose 31:27

Me djinau, har djan t'mer pal t'maro shero oun kamenn gar te shounell. Ninna kanna, kay gomme pash t'mende djivau, moukenn t'menge či o baro Deblestar te penell. Har vell kova, te hom moulo?”