Debleskri gili 74:21 - O Debleskro Lab 2024 (Sinte-Manouche)

²¹ Ma mouk kolen i ladjah penge te djal, kay palla lino hi! Kre, te sharenn i čorvele oun tikne tiro lab!

O Debleskro Drom 2021 (Sinte)

²¹ Ma muk kolen i ladjah penge te djal, kai palla lino hi! Kre, te sharenn i tchorwele un tikne tiro lab!

Debleskri gili 74:21 ပူးပေါင်းရင်းမြစ်များ

Esra 3:11

Oun yon givan, sharan oun parkran pen pash o baro Debleste: “Yob hi lačo oun leskro kamlepen hi an hako tsiro pral Israel.” Oun i tsele menshe dan gole i barhtyatar, har parkran le pen pash o baro Debleste doleske, kay i telstoune barra leskro khereske čiddo his.

Debleskri gili 103:6

O baro Devel čivell o čačepen pre, oun dell kolende pengro čačepen, kay venn tele rikedo.

Debleskri gili 109:22

Me hom čorvelo oun kek hi ap miri rig. Miro dji hi phagedo.

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 9:18

Kamau, te djan le lauter pash i moulende, – kalla, kay kamenn o Deblestar či te djinell, oun bistrenn, kay hi yob o Devel.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.