Debleskri gili 73:24 - O Debleskro Lab 2024 (Sinte-Manouche)

²⁴ Tou aneh man ap ko drom, hoy tout mange hi. Oun pal miro djipen ap kay phoub leh tou man pash toute an tiro raylepen.

O Debleskro Drom 2021 (Sinte)

²⁴ Tu aneh man ap ko drom, hoi tut mange hi. Un pal miro djipen ap kai phub leh tu man pash tute an tiro railepen.

Debleskri gili 73:24 ပူးပေါင်းရင်းမြစ်များ

Debleskri gili 16:7

Me sharau o baro Debles, kay mange penell, hoy hounte krap. Ninna an i rat rakrell miro dji mantsa, te bistrap gar, hoy yob kamella.

Debleskri gili 25:9

Kolen, kay tele rikedo hi, anell lo ap o čačo drom, oun sikrell lende, hoy lo lendar kamella.

Debleskri gili 32:8

“Me kamau toute te sikrell havo drom tou hounte djas, oun penau touke, har tou les djas, oun dau yak ap toute,” penell o baro Devel.

Debleskri gili 48:14

Denn yak ap i pre-čidde barra troul o foro oun i zorele khera an o foro, yaake te nay penenn kova t'mare čavenge.

Debleskri gili 49:15

Har bakre djan le an o moulengro them. Lengro bakrengro, kay anell len ap o drom, hi o merepen. Sik vell ko dives, kay venn o Debleskre menshe i raya pral kolende, kolengro mass tele merell an i phoub, kay hounte ačenn le pash i moulende.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

Gosewe laba 8:20

Kote, kay i menshe ap o čačo drom djan, oun an o čačepen tardo hi, kote hom me ninna,

Jesaja 30:21

Te kamenn ap i čači oder ap i servi rig leskro dromestar tele te djal, palle shounenn t'mare kanda i rakepen, hoy pal t'mende rakrell: Kava hi o drom, kova djan!

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Jesaja 58:8

Palle vell tiro čačepen glan har o kham taysarlakro. Oun tiro doukepen vell sik sasto. Oun hakeno dikell ko lačo oun čačo koova, hoy kral. Oun o baro Devel djal pal toute peskri zoryah oun dell yak ap toute.

4. Mose 9:22

Te ačas koy folka douy divessa, yek čon, ninna boudeder tsiro pral o kheer tardo, yaake ačan i Israelitarya, oun djan gar doureder. Oun te hadas pes koy folka, djan yon doureder.

Louka 11:13

Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen peskro Dourho kolende, kay les mangenna.”

Louka 23:46

Oun o Yezous das bari gole: “Miro dad, an tire vasta čivau me miro djipen!” Oun palle meras lo.

Johanni 14:3

Oun te krom halauter yaake, te nay tserdenn dren, vau me pale, oun lau t'men pash mande, te venn t'mer kote, kay me hom.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Johanni 17:5

Oun kanna, tata, de man ko raylepen oun koy zoor, hoy his man pash toute, har o bolepen oun i phoub gar koy his!

Bičepangre 7:59

Har yon ap leste i barrentsa vitsran, das o Stefano gole: “Ray Yezous, le man pash toute!”

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

5. Mose 18:2

Kek them lenn i Levitarya an Israel har lengre phrala lenna. Kova hoy yon lenna, hi lengri boudi o baro Debleske. Yob kokres dikell ap lende, te hi len lauter, hoy len hounte vell. Yaake penas lo lenge.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.