Debleskri gili 73:18 - O Debleskro Lab 2024 (Sinte-Manouche)

¹⁸ Čačepah, tou čival len ap i sapeni phoub, kay hounte perenn le.

O Debleskro Drom 2021 (Sinte)

¹⁸ Tchatchepah, tu tchiwal len ap i sapeni phub, kai hunte perenn le.

Debleskri gili 73:18 ပူးပေါင်းရင်းမြစ်များ

Debleskri gili 35:6

Lengro drom te vell kalo oun sapeno, te dikenn le či oun perenn le! Oun o baro Debleskro bolepaskro te lell len palla!

Debleskri gili 37:20

I čilače merenna, oun kolla, kay o baro Debles gar kamenna, hi har kol shoukar divye bloume, hoy sik tele merenn, oun djan penge har i yagakro dourho, hoy pre djal.

Debleskri gili 37:24

Ninna te perell lo, ačell lo gar čiddo, o baro Devel rikrell les ap peskro vast.

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Debleskri gili 92:7

I dinelo patsell kova gar; oun i narvelo hayvell les gar:

Debleskri gili 92:8

I čilače venn baro har o zenlepen. Kolenge, kay čilačo koova krenna, djal mishto. Kova lauter vell, te venn le krik lino hako tsireske.

Debleskri gili 94:23

Yob moukell lengro midjak koova ap lende pale te perell, oun dran lengro čilačepen marell lo len. Ava, maro baro Devel marell len!

Jeremia 23:12

Doleske vell ko drom, kay le djan har i sapeno drom an o tamlepen, kay venn le tradedo oun perenn. Me moukau bibarht pral lende te vell an ko tsiro, kay dau len i phagi. Kova penell o baro Devel.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

2. Tessalonikarja 1:9

Kolla lenn i phagi: Yon djan hako tsireske nashedo, oun nay venn bouder gar pash o Debleste, oun dikenna gar leskro baro raylepen