Debleskri gili 72:10 - O Debleskro Lab 2024 (Sinte-Manouche)

¹⁰ I bare raya, kay djivenn an o foro Tarsis oun an i panyeskre themma, kolla anenn leske kouč koova. Ninna i bare raya pral i forya Saba oun Seba bičrenn leske shoukar koova.

O Debleskro Drom 2021 (Sinte)

¹⁰ I bare raja, kai djiwenn an o foro Tarsis un an i panjeskre themma, kolla anenn leske kutch koowa. Ninna i bare raja pral i forja Saba un Seba bitchrenn leske shukar koowa.

Debleskri gili 72:10 ပူးပေါင်းရင်းမြစ်များ

1. Mose 10:7

I menshe, kay van pal o Koush, hi: o Seba, o Havila, o Sabta, o Ragma, oun o Sabteka. I menshe, kay van pal o Ragma hi: o Seba oun o Dedan.

1. Rajengro liil 10:1

Oun koy rayetsa pral o them Saba shounas, har an-diklo o Salomo vas, oun havo kheer yob o baro Debleske kras. Kote vas li pash leste, te poučell li lestar savo koova, hoy kek vavar djinell.

1. Rajengro liil 10:10

Oun yoy das o baro rayes Salomo 120 (sheel-te-biish) centnarya sonakay, oun boud lačo soungepaskro djet oun boud kouč barra. An kek tsiro bouder vas yaake boud lačo soungepaskro djet an o them, har kova, hoy i rayetsa dran Saba o rayeske Salomo anas.

1. Rajengro liil 10:2

Oun yoy vas an o foro Yerusalem. Oun boud lakre boudepangre van lah. Lakre khamele hidjran lačo soungepaskro djet oun boud sonakay oun kouč barra. Oun har yoy pash o Salomo vas, poučas li lestar halauter, hoy lat ap o dji his.

1. Rajengro liil 10:25

Oun hakeno, kay vas, anas kouč koova pash leste, roupeno oun sonakaskro koova, ripya oun karmangre, soungepaskro djet, graya oun maultikre bourike. Kova his hako bersh yaake.

2. Familjakro liil 9:21

Oun o rayes his bare shiffe. Kolla djan khetne kol shiffe o rayestar Hiram ap o baro pani bis pash Tarsis. Kalla van yek kopo an triin bersha, oun anan sonakay oun roup, kouč parno dand, oun affe oun raile čirkle.

Ester 10:1

Oun o ray Ahasveros čivas ap o them oun ap i panyengre themma i siyaan, hoy i menshe hounte playsrenna.

Debleskri gili 45:12

Tou hal yaake shoukar, te kamell tout o baro ray. Yob hi tiro ray. Doleske dja ap i čanga glan leste!

Debleskri gili 68:29

Biče tiri zoor, maro Devel, tiri zoor, hoy tou ap mende sikral!

Debleskri gili 68:30

Dran tiro Debleskro kheer an o foro Yerusalem, kay anenn touke i bare raya kouč koova,

Jesaja 42:10

Givenn o baro Debleske i nevi gili! Sharenn les ap i tseli phoub bis an i palstoune themma! Sharenn les, t'mer, kay ap o baro pani oulerenn, oun t'mer lauter, kay an o baro pani djivenn! Ninna t'mer, kay an o panyeskre themma djivenn, sharenn les!

Jesaja 42:4

Leske kokres djal gar i zoor krik, oun yob phagell vitar gar khetne, bis te kras lo, te djivenn i menshe ap i tseli phoub pal o čačepen. Oun i menshe an dour themma dikenn ap leste, te sikrell lo len peskro drom.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 43:6

Ap i rayende pral i themma, hoy hi serves oun čačes toutar, penau: De kay! Ma rike len pale! Anenn mire čaven oun čen foun doural, anenn len dran i palstoune themma i phoubyatar!

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jesaja 60:3

Oun i menshe dran vavar themma venna, te dikenn le, har raylo tou hal. Oun lengre raya venna, te dikenn le ko raylepen, hoy pral toute pre djas.

Jesaja 60:6

Boud khamele čakrenn tiro them, terne khamele dran Midian oun Efa. Kolla anenna sonakay oun soungepaskro koova dran Saba. Oun i menshe sharenn o baro Debles.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

Mateo 2:11

Oun yon djan an ko kheer, oun dikan kote o ternepas oun leskri dat, i Mariat. Oun yon vitsran pen glan leste tele, mangan les an, oun čivan ko kouč bravlepen glan leste, hoy dan le leste. Oun kova his sonakay, kouč kasht, hoy soungella mishto, ninna vavar kouč kasht, hoy vella djet lestar kerdo.