Debleskri gili 71:6 - O Debleskro Lab 2024 (Sinte-Manouche)

⁶ Miro tselo djipen rikrom man ap toute. Yaake rah har boldo vom, rikral tou tire vasta pral mande. Tout kamau me te sharell hako dives.

O Debleskro Drom 2021 (Sinte)

⁶ Miro tselo djipen rikrom man ap tute. Jaake rah har boldo wom, rikral tu tire wasta pral mande. Tut kamau me te sharell hako diwes.

Debleskri gili 71:6 ပူးပေါင်းရင်းမြစ်များ

Debleskri gili 22:11

Foun tiknes pre, deh tou yak ap mande, Yaake rah har djivau, hal tou miro Devel.

Debleskri gili 34:1

I gili o Davidestar, hoy yob givas, har yob pash o Abimelek kras, har te vals lo dinelo, oun kova les krik tradas.

Debleskri gili 40:4

An miro mouy čivas lo i nevi gili, i gili, hoy maro Debles sharell. Boud, kay dikenn kova, hayvenn, te hi o baro Devel o ray, oun yon patsenn ap leste.

Debleskri gili 71:14

Me dikau hako tsiro ap toute oun sharau tout boud oun boudeder.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Jesaja 49:1

Shounenn ap mande, t'mer kay pash o baro pani djivenn! Denn yak ap miro rakepen, t'mer an i themma, hoy dour krik hi! Har gomme gar boldo vom, das man o baro Devel gole, oun das man miro lab.

Jesaja 49:5

Kova his o baro Devel, kay kras man yaake, te vap leskro boudepaskro, har gomme gar boldo vom. Yob kamell, te anap o Yakobes pale pash leste, yaake te vell o tselo Israel pash leste khetne. Oun miri boudi hi boud moldo an i yaka o baro Deblestar. Miro Devel vas miri zoor. Kanna shounenn, hoy lo penas:

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Jeremia 3:4

Oun kanna peneh ap mande: Kamlo dad, tou hal miro maal yaake rah har djivau.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

Efesarja 5:20

Parkrenn t'men hako tsiro pash o Debleste, maro dadeste, lautereske, hoy das lo t'men! Krenn kova an o lab maro rayestar, o Yezous Kristestar!