Debleskri gili 71:22 - O Debleskro Lab 2024 (Sinte-Manouche)

²² Yaake kamau me man pash toute te parkrell o bashepah ap i doryengri bashepaskri, kay rikral tou tiro lab, miro Devel. O bashepah ap i harfa kamau touke gilya te givell. Tou kokres hal o čačo Devel, ko Devel pral o Israel.

O Debleskro Drom 2021 (Sinte)

²² Jaake kamau me man pash tute te parkrell o bashepah ap i dorjengri bashepaskri, kai rikral tu tiro lab, miro Dewel. O bashepah ap i harfa kamau tuke gilja te giwell. Tu kokres hal o tchatcho Dewel, ko Dewel pral o Israel.

Debleskri gili 71:22 ပူးပေါင်းရင်းမြစ်များ

2. Rajengro liil 19:22

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

Debleskri gili 138:2

Glan tiro Debleskro kheer perau tele, oun parkrau man pash toute, te kral tiro dji mange pre oun rikral tiro lab. Ava, tou dal men boudeder har menge penal. Tiro lab hi rayleder har i tsele vavar.

Debleskri gili 144:9

Miro Devel, me kamau touke i nevi gili te givell. Ap i deesh-doryengri bashepaskri kamau touke te bashrell.

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Debleskri gili 33:2

Parkrenn t'men pash o baro Debleste, oun bashrenn leske ap doryengre bashepangre! Givenn leske gilya, oun bashrenn leske ap i bashepaskri i deesh doryentsa!

Debleskri gili 43:4

Kote kamau me glan tiri Debleskri rhačepaskri te vell, glan toute, miro Debleste, kay kreh, te givap i barhtyatar. Miro bashepah ap i doryengri bashepaskri kamau man te parkrap pash toute, miro Devel.

Debleskri gili 56:4

Ap ko dives, kay man i daar taprella, dikau me ap toute, mo Devel, oun rikrau man ap toute.

Debleskri gili 78:41

Pale te pale kaman le te dikell, hoy yob hayvella. Yaake dan le leske an o dji, koleske, kay kokres o čačo Devel hi, o Devel pral o Israel.

Debleskri gili 89:1

Givede laba, hoy o Etan dran i familya Esra pre-činas.

Debleskri gili 89:18

Tou kokres hal lengro raylepen oun lengri zoor, oun dran tiro lačepen nay hadah mare sherya.

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

Debleskri gili 98:4

Givenn o baro Debleske, t'mer lauter, kay ap kay phoub han! Denn gole i barhtyatar, sharenn les i gilyentsa!

Debleskri gili 98:5

Bashrenn leske ap i harfa! Sharenn les o bashepah ap i doryengre bashepangre!

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 5:16

O baro Devel, ko ray pral o bolepen oun i phoub sikrell peskri zoor, oun krell, hoy čačo hi. O čačo Devel sikrell, te hi lo kokres o Devel, kay rakrell o čačepen vin.

Jesaja 5:19

oun penenn: Mou vell kova sik, hoy o baro Devel kamell te krell, te dikas kova! Mou vell čačo, hoy o Israeleskro lačo Devel peske glan las, te prindjras kova!

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 60:9

Ap mande dikenn i menshe vergel o baro pani. Oun i shiffe, hoy venna dran Tarsis, oulerenna glan vin, te anenn le tire čaven, hoy dour krik his, khere. Oun lengro sonakay oun roup anenn le peha, te sharenn le tiro baro Debles. Yob kokres hi o Israeleskro čačo Devel, oun kova, kay kras tout raylo.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Remarja 15:8

Oun me penau t'menge: O Yezous Kristo vas i biboldenge, te dikenn le, o Devel rikrell ap peskro lab, hoy das yob lengre phourende.