Debleskri gili 71:18 - O Debleskro Lab 2024 (Sinte-Manouche)

¹⁸ Ninna kanna, kay phouro vom, oun mire balla parno van, ma dja mandar, miro Devel! Kamau te penap i čavengre čavenge oun lauterenge, kay pal lende venna, har zorelo tou hal.

O Debleskro Drom 2021 (Sinte)

¹⁸ Ninna kanna, kai phuro wom, un mire balla parno wan, ma dja mandar, miro Dewel! Kamau te penap i tchawengre tchawenge un lauterenge, kai pal lende wenna, har sorelo tu hal.

Debleskri gili 71:18 ပူးပေါင်းရင်းမြစ်များ

1. Mose 27:1

O Isaak vas phouro oun nay dikas bouder či. Oun yob kharas peskro phoureder čaves, o Esau, oun penas ap leste: “Miro čavo!” “Ake hom”, penas kova.

Debleskri gili 22:31

Ninna kolla, kay bolde venna, venn leske koy. Oun yon rakrenn ap pengre čavende oun čavengre čavende o baro Deblestar.

Debleskri gili 48:14

Denn yak ap i pre-čidde barra troul o foro oun i zorele khera an o foro, yaake te nay penenn kova t'mare čavenge.

Debleskri gili 71:9

Kanna, kay phouro hom, ma mouk mandar! Ma dja mandar kanna, kay hi bouder kek zoor an mande!

Debleskri gili 78:4

kova kamah gar te khatrell glan mare čavende; na-a, kolenge, kay pal mende venna, kamah te penell, har zorelo o baro Devel hi oun havo baro koova yob kras an peskri zoor.

Debleskri gili 78:6

Yaake te djinenn les kolla, kay pal lende venna, kolla, kay gomme gar bolde hi. Yon ninna sikrenn o Debleskro drom pengre čavende,

2. Mose 13:8

Oun ap kava dives penenn t'mer t'mare čavenge: O baro Devel anas men dran o them Egiptia vin. Doleske rikrah mer kova.

Jesaja 46:4

Ninna te van t'mer phouro, ačau me kova, kay homs; ninna te lan t'mer parne balla, rikrau t'men. Me hom, kay krom t'men. Oun me rikrau t'men, oun hidjrau t'men, oun lau t'men dran o čilačepen vin.

Jesaja 51:9

Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Bičepangre 13:36

Oun o David his an peskro djipen o Debleske koy. Oun yob meras oun vas paskedo pash peskre menshende. Oun leskro mass ferdjas tel i phoub.

1. Samuel 4:15

O Eli his enya-deesh-te-orhta (98) bersh phouro, oun leskre yaka van korelo, yaake te nay dikas lo či bouder.

1. Samuel 4:18

Oun har yob pral ko morhton rakras, peras o Eli palstounes peskri beshepaskri tele, hoy pash o voudar tardo hi. O Eli his yaake phouro oun pharo, te phagas lo peskri meen, oun meras. Yob his o čačepaskro morsh pral o Israel star-deesh bersha.