Debleskri gili 71:15 - O Debleskro Lab 2024 (Sinte-Manouche)

¹⁵ Me penau i vavarenge, har čačo tire dromma hi. Hako dives rakrau pral o lačepen, hoy tou lauter kral. Kova hi boudeder har nay hayvau.

O Debleskro Drom 2021 (Sinte)

¹⁵ Me penau i wawarenge, har tchatcho tire dromma hi. Hako diwes rakrau pral o latchepen, hoi tu lauter kral. Kowa hi budeder har nai haiwau.

Debleskri gili 71:15 ပူးပေါင်းရင်းမြစ်များ

1. Familjakro liil 16:23

Givenn leske, o baro Debleske, t'mer menshe an i tsele themma! Penenn i menshenge, te hi yob kova, kay lell vin dran o čilačepen.

Debleskri gili 145:2

Hako dives kamau man pash toute te parkrell. Kanna oun hako tsiro kamau tout te sharell.

Debleskri gili 30:12

Dran miro ropaskri gili kral tou mange i barhtyakro khelepen. Tou pandal mange ko gono tele, hoy miro ropaskro ripen his, oun čival barht har i ripen ap mande.

Debleskri gili 35:28

Me kamau te rakrap pral tiro čačepen, oun sharau tout hako dives.

Debleskri gili 40:12

Baro Devel, mouk tiro dji hako tsiro mange pre te vell! Tou kameh man oun hal mange lačes. Doleske rike tiro vast pral mande hako tsiro!

Debleskri gili 40:5

Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

Debleskri gili 51:16

Me anom rat ap mande, ma de man moulo, miro Devel! Tou hal o Devel, kay lell man vin dran o merepen. Oun me kamau tiro čačepen te sharell.

Debleskri gili 71:24

Hako dives penau doureder, har tou rikral pash mande. Oun kolla, kay kaman miri bibarht, hounte venn tikno oun ladjenn pen.

Debleskri gili 71:8

O tselo dives kamau te sharap tout oun givap touke gilya.

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

Debleskri gili 89:16

Baro Devel, har barhtelo hi kol menshe, kay sharenn tout i gilyentsa, kay djivenn an tiro lačepen!

Gosewe laba 5:2

Palle hayveh hoy mishto hi, oun tire laba sikrenn, kay hal gosevo.

Čačepangre 5:11

Shounenn, har bashrenn le pash o pani, kote kay denn le pengre firhen te piyell. Kote sharenn le ko baro koova, hoy o baro Devel kras, ava, o baro koova, hoy kras lo ap peskre menshende Israel, har djan le dran lengre forya.