Debleskri gili 71:11 - O Debleskro Lab 2024 (Sinte-Manouche)

¹¹ oun penenn: “O Devel djas peske lestar. Las les palla oun tapras les! Kek hi koy, kay les dran mare vasta vin lell.”

O Debleskro Drom 2021 (Sinte)

¹¹ un penenn: “O Dewel djas peske lestar. Las les palla un tapras les! Kek hi koi, kai les dran mare wasta win lell.”

Debleskri gili 71:11 ပူးပေါင်းရင်းမြစ်များ

Debleskri gili 3:2

Baro Devel, dik, har boud hi kolla, kay ap mande djan! Dik, har boud hadenn pen ap mande!

Debleskri gili 37:25

Me homs terno oun vom phouro. An ko tselo tsiro dikom me kekes kokres mouklo, kay an o čačepen tardo hi; oun kekes leskre čavendar dikom, kay hounte mangas peske maro.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Debleskri gili 42:10

Me penau ap miro Debleste, kay hi mange har i zorelo kheer, kay nay khatrau man: Hoske bistral tou man? Hoske hounte rovap me? Kolla djan ap mande, kay mange o djipen phares krenna.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 7:2

Baro Devel, tou hal miro Devel, pash toute khatrau man. Le man vin dran i vasta kolendar, kay man palla lenna! Te veh tou gar ap miri rig,

Daniel 3:15

Kanna shounenn: Yaake sik, har shounenn t'mer o phourdepaskro bashepen oun bashepen ap i doryengre bashepangre oun ko tselo vavar bashepen, vitsrenn t'men tele ap i phoub, oun mangenn koy figura an, hoy me krom! Te vitsrenn t'men gar glan late ap i phoub, palle venn t'mer gomme kate an i bobeskri yag vitsedo! Oun koon hi ko devel, kay nay lell t'men vin dran miro vast?”

Mateo 27:46

Oun har trinenge his, das o Yezous bari gole: Eli, Eli, lema sabaktani? Kova kharella: Miro Devel, miro Devel, hoske moukal man tou?

Mateo 27:49

Vavar penan: “Mouk les, dikas, te vell o Eliya, oun lell les tele.”

1. Samuel 23:7

Oun o Sauleske vas penlo, te vas o David an o foro Kehila. Kote penas o Saul: “Kanna, kay vas o David an i foro, koleskre bare voudya pandlo hi, pandas pes lo dren, oun o Devel das les an miro vast.”