Debleskri gili 71:10 - O Debleskro Lab 2024 (Sinte-Manouche)

¹⁰ Kolla, kay mange čilačepen kamenn, rakrenn pal mande. Kolla, hoy kamenn mange o djipen te lell, rakrenn khetne,

O Debleskro Drom 2021 (Sinte)

¹⁰ Kolla, kai mange tchilatchepen kamenn, rakrenn pal mande. Kolla, hoi kamenn mange o djipen te lell, rakrenn khetne,

Debleskri gili 71:10 ပူးပေါင်းရင်းမြစ်များ

Debleskri gili 10:9

Čorrhanes khatedo har i levo an i bourra, yaake lourell yob ap o čorveleste, oun taprell les an peskri netsa oun tserdell les krik.

Debleskri gili 109:20

Kova vell i phagi o baro Deblestar kolenge, kay doosh ap mande pre anenn oun čilačo koova pral mande rakrenn.

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Debleskri gili 31:13

Boud bistran man, har te voms moulo oun paskedo. Lenge hom har i phagedo čaro, hoy krik vitsedo vas.

Debleskri gili 56:6

O tselo dives rissrenn le mire laba trouyel. Yon rodenn, har nay doukrenn le man.

Debleskri gili 83:3

Dik! Kolla, kay rhoyrenn pen ap toute, hi divyo. Kolla, kay kamenn touke čilačepen, hadenn pengro shero pral toute.

Gosewe laba 1:11

Yon nay penans: “Am mentsa! Mer lourah yekes pre oun marah les. Mer nay hatsams saven, kay kek čilačepen an lengro shero hi. Kolen lah palla, te vell men čomone sapaske.

Jeremia 20:10

Me shounau, har boud menshe čorrhanes rakrenna: “Yob krell menge či har traash. Anas doosh ap leste! Sikras les an!” Ninna mire mala lourenn koy pre, te perap. “Dikas, te anas les yaake dour, te penell yob čomone, hoy gar mishto hi. Palle dah les pale, hoy lo mentsa kras!”

Mateo 27:1

Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses.

1. Samuel 19:11

An koy rat bičras o Saul lourden pash o Davideskro kheer, te denn le yak, te nashell lo gar peske, oun te denn le les moulo taysarlakro. Oun leskri romni, i Mikal, penas leske kova oun penas: “Te nasheh tou gar kay rat, palle denn le tout taysarlakro moulo.”