Debleskri gili 7:9 - O Debleskro Lab 2024 (Sinte-Manouche)

⁹ Baro Devel, tou hal o baro čačepaskro ray pral i menshende dran i tsele themma. De man miro čačepen! Tou djineh, me hom tardo an o čačepen oun kek doosh hi ap mande.

O Debleskro Drom 2021 (Sinte)

⁹ Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

Debleskri gili 7:9 ပူးပေါင်းရင်းမြစ်များ

1. Mose 20:5

O Abraham penas ap mande: Yoy hi miri pheen. Oun yoy penas ninna: Yob hi miro phraal. Me djinom gar, kay yoy romedino hi. Miro dji oun mire vasta hi djoudjo.”

1. Rajengro liil 8:32

palle shoun an o bolepen, oun kre o čačepen vin pral tire boudepangre. Kre te vell o čilačepen, hoy yek kras, ap leskro shero. Oun ko vavares, kay an o čačepen his, de les leskro čačepen, te vell diklo, kek doosh hi ap leste.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

Debleskri gili 10:15

Phage i zoor kol čilačendar oun midjak menshendar, hoy len pral i vavarende hi! De len pengri phagi, te krenn le bouder kek čilačo koova!

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Debleskri gili 11:5

Yob rodell an i djia i lačendar oun i čilačendar. Koon o čilačepen kamell, ap koleste hi lo peskro tselo djiyeha rhoyedo.

Debleskri gili 139:1

I gili o rayeske pral i gipangre. Kay gili kras o David. Baro Devel, tou dikeh an miro dji oun prindjreh man mishto.

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

Debleskri gili 18:21

O baro Devel djinas, te homs an o čačepen tardo. Doleske kras lo mange lačepen. Kek doosh his ap mande. Doleske his lo mange lačo.

Debleskri gili 26:2

Le man an i yak, baro Devel! Dik palla, hoy an miro dji hi, oun hoy mange an o shero trouyel djal!

Debleskri gili 35:23

Hade tout! Ste pre, oun de man miro čačepen! Le miro koova an tiro vast, mo Devel oun mo ray!

Debleskri gili 37:23

O baro Deblestar vell, te djal i morsh o čačo drom. Pral koleste hi lo barhtelo.

Debleskri gili 40:2

Miro tselo djiyeha dikom ap o baro Debleste, oun yob rissras peskro kand pash mande, oun shounas, har ap leste gole dom.

Debleskri gili 43:1

Miro Devel, kre te lap miro čačepen! Le miro koova an tiro vast, oun rake mange lačes pash kol menshende, kay kamenn či toutar te djinell! Le man vin dran o vast i rhorhenendar oun čilačendar!

Debleskri gili 44:21

Bistrams mer tout, maro Debles, oun mangams i vavar debles an,

Debleskri gili 58:6

Yon pandenn pengre kanda har i sap, kay kamell gar te shounell, hoy o dourkepaskro ap leste rakrell, ninna te hayvell lo mishto i sapentsa te rakrell.

Debleskri gili 9:9

Yob hi o čačepaskro ray pral i tseli phoub. Oun pral i tsele themma rakrell yob o čačepen vin.

Debleskri gili 96:10

Penenn i tsele menshenge: O baro Devel hi o baro ray. Yob kras i phoub, te vell li zoreles tardo. Yob hi o čačepaskro ray pral i tsele themma oun djal pal o čačepen.

Debleskri gili 96:13

glan o baro Debleste. Yob vella. Ava, yob vella, oun anell o čačepen ap i phoub. Yob rakrell o čačepen vin pral i menshende an hake themma. Oun hi lengro čačepaskro ray, kay djal pal o čačepen.

Debleskri gili 98:9

glan o baro Debleste! Yob vella oun rakrell o čačepen vin pral i tseli phoub. Yob hi o čačepaskro ray pral i tsele themma, oun dell hakeneste pal kova, hoy lo kras.

Jeremia 11:20

Koy penom: Baro Devel, tou ray pral o bolepen oun i phoub, djineh, hoy an o mensheskro dji oun shero glan djala. Tou hal i čačepaskro, kay djal pal o čačepen. An tire vasta dau miro koova. Mouk man dikell, har tou len ko čilačepen pale deh, hoy yon kamenn mange te krell.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 20:12

Baro Devel, tou ray pral o bolepen oun i phoub, tou prindjreh lauteren, kay ap toute rikrenn. Tou dikeh, hoy an lende hi, prindjreh lengre djia. Mouk man te dikell, har tou kolen i phagi deh, kay man palla lan. Me dom miro koova an tire vasta.

Daniel 11:45

Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Remarja 16:25

Sharedo vell o baro Devel! Les hi i zoor, te krell lo t'maro patsepen zoreles. Yaake penell les o lačo lab, hoy me penau i menshenge, ko lačo lab o Yezous Kristestar. Kate vell siklo o drom pash o Debleste. Kova djinan le i rah tsiro gar.

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.