Debleskri gili 7:15 - O Debleskro Lab 2024 (Sinte-Manouche)

¹⁵ Les hi čilačepen an o shero, oun midjak koova an o dji. Oun dran leste vell rhorhepen.

O Debleskro Drom 2021 (Sinte)

¹⁵ Les hi tchilatchepen an o shero, un midjak koowa an o dji. Un dran leste well chochepen.

Debleskri gili 7:15 ပူးပေါင်းရင်းမြစ်များ

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Hiob 15:35

An lengre sherya hi midjak koova. Pral pende oun i vavarende anenn le bibarht. Oun lengre djia hi pherdo phoukepen.

Hiob 4:8

Yaake har me les dikom, vell čilačepen pral kolende, kay čilačepen kran, oun bibarht pral kolende, kay bibarht ap vavarende anan.

Hiob 6:27

T'mer han save, kay khelans troul i čaveste, koles kek dad bouder hi, oun bikrans t'maro males lovenge.

Debleskri gili 10:2

O čilačo hi pre-phourdo oun lell i čorvelen palla, oun krell lentsa ko čilačo koova, hoy leske an leskro shero trouyel djal.

Debleskri gili 119:85

Kol pre-phourde kran rhebya, te perap dren, kolla, kay djan gar ap tiro drom.

Debleskri gili 141:10

Mouk len lauteren kokres te perell an pengri netsa, hoy yon mange vi-čivan, oun man mouk te nashap mange!

Debleskri gili 57:6

Sike tiro barepen, hoy bareder hi har o bolepen, miro Devel! Tiro raylepen mou vell pral i tseli phoub!

Debleskri gili 94:13

Yaake rikreh les pale te djal lo an peskri bibarht, bis te vell o čilačeske i phoub vin hadedo, te perell lo dren.

Gosewe laba 26:27

Kova, kay i vavareske i grouba vin hadas, kova perell kokres dren. Oun yek, kay vitsrell i bar, ap koleste perell lo pale tele.

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Jesaja 33:11

Hoy t'menge an o shero trouyel djal, hi phouss. Hoy koy pashel vin vell, hi khass. T'mari rholi hi har i yag, hoy t'men kokres pre rhal.

Jesaja 59:4

Kekeske t'mendar, kay djal glan o čačepaskro morsheste, djal troul o čačepen. Oun kek, kay anell čomone ap i vavareste pre, penell o čačepen. Pash t'mende hi yaake: Ap kova, hoy či moldo hi, rikrenn t'men, oun rakrenn o rhorhepen. Kova, hoy an t'mare sherya trouyel djal, hi har nay rhorhenn oun doukrenn i vavaren. Ko čilačo koova, hoy vin vell, anell o merepen,

Jeremia 18:20

Yon lourenn koy pre, te taprenn le man. Hi kova mishto, te krenn le mange čilačepen, ninna te krom lenge lačepen? Ma biste, har me glan toute tardo homs, te rakrap lenge mishto, te less tiri rholi lendar krik!

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.