Debleskri gili 7:13 - O Debleskro Lab 2024 (Sinte-Manouche)

¹³ Čačepah, pale las o čilačo peskro rharo, oun hadell peskro bogo, te dell lo karye.

O Debleskro Drom 2021 (Sinte)

¹³ Tchatchepah, pale las o tchilatcho peskro charo, un hadell peskro bogo, te dell lo karje.

Debleskri gili 7:13 ပူးပေါင်းရင်းမြစ်များ

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 11:2

Dikeh tou gar, te tserdenn i čilače o bogo oun čivenn pengre fayle koy pre, yaake te denn le khatemen karye ap kolende, kay shounenn pengro tselo djiyeha ap o Debleste.

Debleskri gili 144:6

Biče tiri yag, hoy ap o bolepen pral oun tele djal! De tire fayle karye ap kolende, kay ap mande djan!

Debleskri gili 18:14

Oun o baro Devel moukas o bolepen bari gole te dell, ava, o Devel pral halauter moukas pes te shounell bari golyah.

Debleskri gili 45:5

Besh tout ap tiro gray! Dja trouyel an o them oun kre o čačepen zoreles! Le i čorvelengro koova an tiro vast oun kre, te lenn le pengro čačepen! Yaake krell tiri čači moussi baro zorelo koova.

Debleskri gili 64:3

Kol čilače venn khetne oun rakrenn, har yon nay krenn mange čilačepen. Khate man, miro Devel, glan lengri rholi!

Debleskri gili 64:7

Len hi čilačepen an o shero, oun penenn čorrhanes: “Yaake krah mer kova. Yaake djal kova mishto. Har goseve ham mer!”

Ropaskre gilja 2:4

Yob rikras peskro bogo, oun las i faylo an peskro čačo vast, har yek, kay kourell pes mentsa. Oun har i kourepaskro maras lo halauteren, kay menge kamlo oun kouč his. Oun leskri rholi vas pral mende har i zoreli yag.

Habakuk 3:11

Oun o čon ačas tardo, har dal tire fayle karye. Tiri sasterno vitsepaskro čouri vas diklo har i yag.

Habakuk 3:13

Tou djal vin, te vess ap i rig tire menshenge, oun o rayeske, koles tou vin rodal. I dacha ap o kheer o čilačestar dal tou khetne. Oun leskro kheer rissral trouyel bis ap i telstoune barra.

5. Mose 32:23

Pale te pale anau me bibarht pral lende; me dau mire tsele fayle karye an lende.

5. Mose 32:41

Me krau, te činell miro rharo mishto, te vell o čačepen kerdo. Oun me dau o čilačepen ap kolengre sherya pale, kay kouran pen mantsa. Oun miri rholi vell ap kolende, kay hi rhoyedo ap mande rhoyedo.

5. Mose 32:42

Kol fayle, kolentsa karye dau, lendar perell o rat tele – ko rat kolendar, kay me moulo dau, ninna kol pandlendar. Miro rharo rhal o mass kolendar, kay kouran pen mantsa, oun dell lengre sherya paash.

2. Tessalonikarja 1:6

Yob djal ninna pal o čačepen, te dell lo kolen i phagi, kay t'men palla lan.

Debleskro tsiro 16:6

Yon maran tire menshen, ninna tire rakepangren, oun moukan lengro rat te nashell. Oun kanna hounte piyenn le o rat. Kova hi lengri phagi.”

Debleskro tsiro 6:10

Oun dan zoreles gole oun penan: “Baro Devel oun čačo ray, ab sik oun rake i phagi vin pral kolende ap i phoub, kay maran men. De len ko čilačepen pale, hoy yon ap mende kran!”