Debleskri gili 69:8 - O Debleskro Lab 2024 (Sinte-Manouche)

⁸ Dran toute hi i bari ladj ap mande, oun miro shero hi lolo i ladjatar.

O Debleskro Drom 2021 (Sinte)

⁸ Dran tute hi i bari ladj ap mande, un miro shero hi lolo i ladjatar.

Debleskri gili 69:8 ပူးပေါင်းရင်းမြစ်များ

Debleskri gili 31:11

I daar rhas miro djipen pre, oun mire bersha his pherdo ropen. Miri doosh lell miri zoor mandar, yaake te djap bango.

Debleskri gili 38:11

Miro dji djal sikeder. Miri zoor moukas man. Oun mire yaka nashran pengri zoor.

Debleskri gili 89:51

Ma biste koy ladj, hoy hi ap mande, tiro boudepaskro! Dik, har hidjrau ko tselo praasepen kolendar, kay tout gar prindjrenna.

Debleskri gili 89:52

Baro Devel, kolla, kay tout gar kamenna, praasenn man, o baro rayes, koles tou touke vin rodal.

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Jesaja 53:3

I menshe dikan tele ap leste, oun čivan les ap i rig. I morsh pherde douka oun nasslepen his lo. I grerho his lo lenge, glan koleste yon pengro shero krik rissran. Oun menge his lo či-moldo.

Jesaja 53:4

Čačepah, maro nasslepen, hoy menge his, las yob ap peste. Oun mare douka čivas lo ap peste. Mer patsam, te his leskri doosh, oun kay o Devel das les oun phagas les.

Jeremia 15:15

Baro Devel, tou djineh halauter! Ma biste man, oun ab ap miri rig! De kolen lengro čilačepen pale, kay man palla lenna! Rike tiri rholi ap lende gar yaake rah pale, te vap gar maredo! Tou djineh, me hom touke koy. Doleske čingrenn le ap mande.

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

Johanni 1:11

Yob vas an peskro them, oun leskre menshe lan les gar pre.

Johanni 7:5

Leskre phrala patsan gar ap leste. Doleske rakran yon yaake.

1. Samuel 17:28

Leskro phoureder phraal, o Eliab, shounas, har yob kol morshentsa rakras. Oun an leste rhačras i bari rholi pre pral o Davideste, oun penas: “Hoske val tou kay? Oun kones moukal tou ap kol bakre yak te dell an o moulo them? Me prindjrau tout mishto, tou tikno pre-phourdo oun či-moldo! Tou val kay, te dikess touke o marepen an.”