Debleskri gili 69:26 - O Debleskro Lab 2024 (Sinte-Manouche)

²⁶ Mou vell koy platsa paash dino, kay lengre plarhtene khera tardo hi, te djivell bouder kek mensho koy.

O Debleskro Drom 2021 (Sinte)

²⁶ Mu well koi platsa paash dino, kai lengre plachtene khera tardo hi, te djiwell buder kek mensho koi.

Debleskri gili 69:26 ပူးပေါင်းရင်းမြစ်များ

2. Familjakro liil 28:9

Kote djivas i Debleskro rakepaskro. Leskro lab his Obed. Kova djas vin oun stakras kol lourdenge an o drom, kay van pale an o foro Samaria, oun penas ap lende: “O baro Devel, ko Devel t'mare phourendar, his rhoyedo pral i menshende an o them Youda. Doleske das yob len an t'mare vasta. T'mer dan len i bari rholyah yaake khetne, kay lengre golya an o bolepen shounlo van.

Hiob 30:13

Yon kran bare rhebya an miro drom, te nashap mange gar. Oun kek hi koy, kay len pale rikrell.

Debleskri gili 109:16

Yob kras kek lačepen i vavarenge. I čorvelen oun bibarhtelen las yob palla, ninna koles, kay les kek zoor bouder his, te dell lo les moulo.

Jesaja 53:10

O baro Devel kamas kova yaake, te vas lo phagedo. Yob moukas ap leste douka te vell. Pal kova, kay das lo peskro djipen i doshake i menshendar, dikell lo čaven, kay lestar venna, oun djivell i lengsto djipen. Oun kova, hoy o baro Devel peske glan las, vell lestar kerdo.

Jesaja 53:4

Čačepah, maro nasslepen, hoy menge his, las yob ap peste. Oun mare douka čivas lo ap peste. Mer patsam, te his leskri doosh, oun kay o Devel das les oun phagas les.

Zakarie 1:15

oun man hi i bari rholi pral i pre-phourde themma. Miri rholi ap mire menshende his gar yaake baro, har kova, hoy kol vavar themma lentsa kran.”

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

1. Tessalonikarja 2:15

I bibolde maran o Yezous Kristes. Glan leste maran le o Debleskre rakepangren. Men lan le ninna palla. Yon rhoyrenn o Debles. Oun ap i tsele menshende hi yon čilačo.