Debleskri gili 68:8 - O Debleskro Lab 2024 (Sinte-Manouche)

⁸ Maro Devel, har djal tou glan tire menshende, oun anal len ap o drom mashkral o moulo tato them,

O Debleskro Drom 2021 (Sinte)

⁸ Maro Dewel, har djal tu glan tire menshende, un anal len ap o drom mashkral o mulo tato them,

Debleskri gili 68:8 ပူးပေါင်းရင်းမြစ်များ

Debleskri gili 114:7

O baro Devel his koy. Doleske vas kova yaake. Hakeno ap i phoub hounte trissell glan o baro Debleste, ko Debleste o Yakobestar.

Debleskri gili 41:13

Me shounau ap toute miro tselo djiyeha. Doleske rikreh tou miro djipen, oun moukeh man te djivell pash toute hako tsiro.

Debleskri gili 68:35

Hadenn o Debles! Yob hi o bareder. Leskro raylepen hi pral o Israel, oun leskri zoor djal bis ap i volke.

Debleskri gili 77:18

Dran o bolepen das baro zorelo brishin. O bolepen das bari gole, oun i yag das karye ap o bolepen kate oun kote.

2. Mose 13:18

Doleske moukas lo len i baro drom troul o Filistarengro them te djal. Ko drom anas len an o moulo tato them pash ko baro pani, hoy kharella Baro Lolo Pani. Oun i Israelitarya djan penge dran o them Egiptia yaake har te djan le an o kourepen.

2. Mose 19:16

Ap o triinto dives taysarlake das o bolepen bari gole, oun yag das tele karye, oun i pessi folka his pral i tseli berga, oun i phourdepaskri das bari gole. Oun i tsele Israelitarya lan i bari traash, te trissan lengre kokale.

2. Mose 19:18

Oun troul koy tseli berga Sinay his yagakro dourho, har vas o baro Devel an i yag tele ap i berga. Oun i yagakro dourho djas pre dran i berga yaake har dran i baro bob. Oun koy tseli berga trissas zoreles.

Jesaja 45:3

Me dau tout bravlepen, hoy khatedo his, oun kouč koova, hoy mishto čakedo his. Te hayvess tou, te hom me o baro Devel, ko Devel pral o Israel, oun dom tout gole pash tiro lab.

Jesaja 64:1

Ab har i yag, hoy rhačrell trouk kasht, oun moukell o pani an i piri te kerell! Sike koon tou hal mank kolende, kay kamenn tout gar, te trissenn i menshe dran vavar themma glan toute,

Jesaja 64:3

An kek tsiro shounas yek i deblestar yaake har tou hal. Kek kand shounas savestar, oun kek yak dikas i debles, kay krell savo baro koova kolenge, kay dikenn ap leste.

Habakuk 3:13

Tou djal vin, te vess ap i rig tire menshenge, oun o rayeske, koles tou vin rodal. I dacha ap o kheer o čilačestar dal tou khetne. Oun leskro kheer rissral trouyel bis ap i telstoune barra.

Hebrearja 12:26

An o phouro tsiro trissas i phoub, har o Devel rakras. Kanna penell lo: An ko tsiro, hoy vella, trissell i phoub i vavar kopo, oun gar i phoub kokres, na-a, ninna o bolepen trissella.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Čačepangre 4:14

Oun i Debora penas ap o Barak: “Dja! Kava hi ko dives, kay o baro Devel o Siseres an tiro vast das. O baro Devel djas vin glan toute.” Oun o Barak djas koy berga Tabor tele, oun deesh-zerya morsha leske palla.