Debleskri gili 68:6 - O Debleskro Lab 2024 (Sinte-Manouche)

⁶ O Devel, kay djivell an peskro raylo kheer, yob hi i dad kolenge, kolen kek dad bouder hi. Oun yob vell kol romyenge ap i rig, kolengro rom meras.

O Debleskro Drom 2021 (Sinte)

⁶ O Dewel, kai djiwell an peskro railo kheer, job hi i dad kolenge, kolen kek dad buder hi. Un job well kol romjenge ap i rig, kolengro rom meras.

Debleskri gili 68:6 ပူးပေါင်းရင်းမြစ်များ

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 107:10

Vavar his beshdo an o stilepen, kay his kek momeli, kokres kali rat. Lengre vasta oun herya his pandle an saster oun doukran len.

Debleskri gili 107:14

oun anas len vin dran i kali rat, kay kek momeli his, oun kras lengre sasterne shelle pre.

Debleskri gili 107:34

Yaake vas i phoub, kay boud djob oun zenlepen baro vas, i moulo londo them. Kova kras lo dran o čilačepen kol menshendar, kay kote djivenn.

Debleskri gili 113:9

Kolat, kay kek čave nay las, hadell lo, te vell li i barhteli day. Sharedo vell o baro Devel!

Debleskri gili 146:7

oun kolen pengro čačepen dell, kay tele rikedo venn. Kolen, kay bokenn, dell lo te rhal. O baro Devel hi kova, kay i stilde vin lell dran o stilepen.

Debleskri gili 69:33

Te dikenn kova kolla, kay tele rikedo hi, venn le barhtelo. Oun kolenge, kay o Debles rodenna, djivell lengro dji pale pre.

Gosewe laba 23:11

O baro Devel vell lenge zoreles ap i rig, oun lell lengro koova an o vast, oun krell o čačepen pral toute vin.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Hosea 2:3

Penenn t'mare phralenge, te hi le mire menshe, oun ap t'mare phenya, te krau me miro dji lenge pre.

Maleachi 1:3

o Esaes kamau me gar. Oun krom, te vas leskro them, kay boud berge hi, har i moulo them, kay i divye djoukle djivenn.

Bičepangre 16:26

Ap yek kopo trissas i phoub, oun ko kheer, kay o stilepen his, peras khetne. I voudya stan pre, oun ap i stilde peran i sasterne shelle tele.

Galatarja 4:27

Latar hi činlo: Ab barhtelo, ninna te nay lal tou kek čave! De gole i barhtyatar, ninna te vas toutar kek ternepen boldo! Kanna hi tout boudeder čave har koya, kay his o romeha khetne.

5. Mose 10:18

Yob dikell koy pre, te lenn pengro čačepen kol čave, kolen kek dad bouder hi, ninna kol djouvya, kolengro rom meras. Oun i vi-themaryen kamell yob o djiyeha oun dell len rhapen oun koola an-ripaske.

1. Samuel 2:5

Kolla, kay bravelo his, hounte boudrenn kanna, te lenn le maro. Oun kolla, kay bokan, kolen hi kanna doha te rhal. Koya, kay nay las kek čave, koya las efta. Oun koya, kolat boud čave his, kolake ačell gar yek.