Debleskri gili 68:5 - O Debleskro Lab 2024 (Sinte-Manouche)

⁵ Givenn o Debleske! Bashrenn oun hadenn leskro lab! Krenn leske i drom, koleske, kay oulerell ap o bolepen. Baro Devel hi leskro lab. Avenn barhtelo oun givenn glan leste!

O Debleskro Drom 2021 (Sinte)

⁵ Giwenn o Debleske! Bashrenn un hadenn leskro lab! Krenn leske i drom, koleske, kai ulerell ap o bolepen. ‘Baro Dewel’ hi leskro lab. Awenn bachtelo un giwenn glan leste!

Debleskri gili 68:5 ပူးပေါင်းရင်းမြစ်များ

2. Familjakro liil 30:27

Oun i rashaya oun i Levitarya stan pre oun rakran o Debleskri barht pral i tsele menshende vin. Oun o baro Devel shounas lengro rakepen, oun hoy le lestar mangan, vas pash leste an o bolepen shounlo.

2. Familjakro liil 6:2

Oun me moukom touke kava raylo kheer te krell, te djivess koy dren oun nay ačeh hako tsireske.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Debleskri gili 118:19

Krenn mange i bare voudya pre an o Debleskro kheer, te djap dren, te parkrap man pash miro baro Debleste.

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Debleskri gili 150:6

Lauter, koles dourho hi, sharell o baro Debles! Halleluya!

Debleskri gili 33:14

Yob hi beshdo ap peskri rayeskri beshepaskri oun dikell ap lauterende, kay ap i phoub djivenna.

Debleskri gili 72:2

Kre lestar i čačepaskro ray, kay dell koles o čačepen, kones čačo hi, ninna te hi lo čorvelo.

Debleskri gili 72:4

O baro ray mou rakrell i čorvelenge mishto, oun vell ap i rig kolendar, kay tele rikedo venn, oun stakrell kolen khetne, kay len doukrenna.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 12:4

Oun ap ko tsiro denn t'mer gole: Parkrenn t'men pash o baro Debleste! Denn ap leste gole, te vell lo ap t'mari rig! Penenn i menshenge an i tsele themma, hoy lo kras. Penenn hakeneske te hi leskro lab bareder har hako vavar lab!

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Jeremia 49:11

“Te hal bouder gar koy, dau me tire čaven, hoy len hounte vell, djipaske. Oun kol djouvya, kolengro rom meras, yon nay djinenn: Me vau lenge ap i rig.”

Jeremia 5:28

Thoullo oun pesso hi le, oun moukenn gar tele te krenn le čilačepen. O čačepen lenn le gar an o vast, te lenn kolendar pengro čačepen, kay čorvelo hi, ninna kol čavendar, kay len kek dad bouder hi.

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

Efesarja 5:1

T'mer han o Debleskre čave. Oun yob kamell t'men i tselo djiyeha. Doleske krenn lauter yaake, har o Devel kova krella,

5. Mose 10:18

Yob dikell koy pre, te lenn pengro čačepen kol čave, kolen kek dad bouder hi, ninna kol djouvya, kolengro rom meras. Oun i vi-themaryen kamell yob o djiyeha oun dell len rhapen oun koola an-ripaske.

5. Mose 26:15

Dik tele ap mende dran tiro bolepaskro kheer! Oun čip tiri barht ap mende, tire menshende Israel, oun ap ko them, hoy tou men dal, yaake har tou tout glan mare phourende sovel dal, te deh men i them, hoy yaake lačo hi, te nashell thoud oun gvin koy dren.”