Debleskri gili 68:31 - O Debleskro Lab 2024 (Sinte-Manouche)

³¹ de ko themes Egiptia trad, ko divyo firhes pash o pani. Činge kol zorelentsa oun rayentsa pral boud menshende! Čip tout kolenge an o drom, kay pal o roup nashenna. Trade kol natsyone, kolenge o marepen shoukar hi.

O Debleskro Drom 2021 (Sinte)

³¹ de ko themes Egiptia trad, ko diwjo vieches pash o pani. Tchinge kol sorelentsa un rajentsa pral bud menshende! Tchip tut kolenge an o drom, kai pal o rup nashenna. Trade kol natsjone, kolenge o marepen shukar hi.

Debleskri gili 68:31 ပူးပေါင်းရင်းမြစ်များ

1. Rajengro liil 8:22

Oun o Salomo djas glan koy rhačepaskri, kay o baro Debleske firhe rhačedo venn. Oun i tsele Israelitarya his ninna koy. Oun yob hadas peskre vasta pral an o bolepen,

Debleskri gili 143:6

Mire vasta hadau pre pash toute. Har i trouk them troushella pal pani, yaake troushell miro dji pal toute.

Debleskri gili 44:20

Fothe kram kova gar, hi kova yaake, har te dals tou men khetne, oun moukals men mank divye djoukle te djivell. Kek momeli hi glan mende.

Debleskri gili 88:9

Tou kral, te moukan man mire mala. Hom lenge djoungelo. Me hom dre-pandlo an i bibarht oun vau gar vin.

Jesaja 45:14

Kava penell o baro Devel: O bravlepen dran o them Egiptia, oun kova, hoy i menshe dran Etiopia dren lan, vell pash toute, te vell lo tiro. Oun kol bare zorele morsha dran Seba venn tire boudepangre. Pandles shellentsa venn le pash toute, oun vitsrenn pen glan toute ap i phoub, oun penenn: Kokres pash toute hi o Devel, oun dell kek vavar devel.

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Zefanja 3:10

Ninna dran o dour them Etiopia venn mire menshe, kay kate te kote tradedo van, te mangenn le man an, oun anenn mange kouč koova.