Debleskri gili 68:3 - O Debleskro Lab 2024 (Sinte-Manouche)

³ Yaake har i yagakro dourho krik phourdedo vell, yaake phourdell yob len krik. Yaake har i momeli rhačrell tele oun bouder gar koy hi, yaake venn kol čilače bouder gar diklo glan o Debleste.

O Debleskro Drom 2021 (Sinte)

³ Jaake har i jagakro ducho krik phurdedo well, jaake phurdell job len krik. Jaake har i momeli chatchrell tele un buder gar koi hi, jaake wenn kol tchilatche buder gar diklo glan o Debleste.

Debleskri gili 68:3 ပူးပေါင်းရင်းမြစ်များ

Debleskri gili 21:1

I gili o rayeske pral i gipangre. O David kras kay gili.

Debleskri gili 32:11

T'mer, kay an o čačepen tardo han, avenn barhtelo pral t'maro baro Debleste! Moukenn t'mare djia san oun bashrenn! Denn gole i barhtyatar, t'mer lauter, kay shounenn o tselo djiyeha ap o Debleste.

Debleskri gili 37:20

I čilače merenna, oun kolla, kay o baro Debles gar kamenna, hi har kol shoukar divye bloume, hoy sik tele merenn, oun djan penge har i yagakro dourho, hoy pre djal.

Debleskri gili 43:4

Kote kamau me glan tiri Debleskri rhačepaskri te vell, glan toute, miro Debleste, kay kreh, te givap i barhtyatar. Miro bashepah ap i doryengri bashepaskri kamau man te parkrap pash toute, miro Devel.

Debleskri gili 58:10

Lenge djal har i soubyengre bourra: I baro dourho tserdell len dran i phoub vin. Yaake phourdell o Devel len krik an peskri bari rholi.

Debleskri gili 64:10

Oun lauteren taprell i daar, oun yon penenn: “Kava kras o Devel”, oun hayvenn, te vas kova lestar.

Debleskri gili 75:4

Ninna te trissell i phoub oun lauter, kay djivell koy pre, me rikrau lat, te ačell li zoreles tardo.”

Debleskri gili 97:12

Avenn barhtelo pral o baro Debleste, t'mer, kay an o čačepen tardo han! Oun parkrenn t'men pash leste, kay kokres o čačo Devel hi!

5. Mose 12:12

Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

1. Tessalonikarja 5:16

Avenn barhtelo hako tsiro!

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

Debleskro tsiro 18:20

Avenn barhtelo, t'mer, kay djivenn an o bolepen! O baro foro hi paash! Avenn barhtelo, t'mer Debleskre menshe! Avenn barhtelo t'mer, kay han o Yezouseskre bičepangre, ninna t'mer, kay han o Debleskre rakepangre! Kova, hoy o foro čilačes kras ap t'mende, das o Devel ko fores pale.

Debleskro tsiro 19:7

Te vas barhtelo, te givas oun stas, oun les sharas! O tsiro hi kanna kay, te romedinerell o terno bakro. Oun leskri pirni kras pes shoukar, te djal li leha.”