Debleskri gili 68:26 - O Debleskro Lab 2024 (Sinte-Manouche)

²⁶ I gipangre djan glan toute oun i bashepangre pal toute. Oun mashkral dren djan i terne ča oun denn pengre pauke.

O Debleskro Drom 2021 (Sinte)

²⁶ I gipangre djan glan tute un i bashepangre pal tute. Un mashkral dren djan i terne tcha un denn pengre pauke.

Debleskri gili 68:26 ပူးပေါင်းရင်းမြစ်များ

Debleskri gili 107:32

Yon hounte sharenn les kote, kay yon khetne venna, oun hadenn les kote, kay i phoureder khetne venna.

Debleskri gili 111:1

Sharedo vell o baro Devel! Miro tselo djiyestar sharau o baro Debles kote, kay kolla khetne venna, kay o čačo drom djan.

Debleskri gili 26:12

Mire herya hi zoreles tardo oun perenn gar o čačo dromestar tele. Me kamau miro baro Debles te sharell, kote, kay leskre menshe khetne venna.

Debleskri gili 87:7

Oun pash o khelepen givenn le lauter: Dran toute, tou foro Sion, vell ko tselo lačepen, hoy men hi.

2. Mose 15:20

Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

Gosewe laba 5:16

Kameh, te nashell tiro pani vin ap o drom oun an o foro?

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

5. Mose 33:28

Oun yaake nay djivell o Israel kek daryah kote. Kek kamell čingepen o Yakobeskre čaventsa. An lengro them vell djob oun mool baro. Oun o bolepen dell doha brishin.