Debleskri gili 68:25 - O Debleskro Lab 2024 (Sinte-Manouche)

²⁵ Miro Devel, tou hal miro baro ray. Halauter dikenn har tou veh an tiri zoor, oun dren djah an tiro Debleskro kheer.

O Debleskro Drom 2021 (Sinte)

²⁵ Miro Dewel, tu hal miro baro rai. Halauter dikenn har tu weh an tiri soor, un dren djah an tiro Debleskro kheer.

Debleskri gili 68:25 ပူးပေါင်းရင်းမြစ်များ

1. Familjakro liil 13:8

O David oun i tsele menshe an Israel khelan barhteles glan o Debleste, givan gilya, oun kran bashepen ap doryengre bashepangre, ap pauke, ap phourdepangre oun vavar bashepangre.

Debleskri gili 63:3

An tiro kheer rodau tout, kamoms te dikap tiri zoor oun tiro raylepen.

Debleskri gili 77:14

Miro Devel, halauter, hoy tou kreh, hi čačo. Kek vavar devel hi yaake zorelo har tou.

Debleskri gili 87:7

Oun pash o khelepen givenn le lauter: Dran toute, tou foro Sion, vell ko tselo lačepen, hoy men hi.

2. Mose 15:20

Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

Jeremia 31:13

I terne ča givenn oun khelenn, ava, i terne oun i phoure hi khetne barhtelo; lengro ropastar vell sapen. Lengre djia, kay rovan, krau pale zorelo oun barhtelo.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Čačepangre 11:34

Oun o Yefta vas pale an Mispa pash peskro kheer. Oun kote vas leskri čay vin, oun vas bashepah oun khelepah pash leste. Yoy his lauter, hoy les his. Les his kek vavar čay, vitar kek vavar čavo.

1. Samuel 18:6

Ap ko dives, kay i lourde pale van, oun o David o Filistares moulo das, koy nashan i djouvya vin dran i tsele forya an o them Israel, te venn le pash o baro rayeste Saul. Oun yon givan oun khelan, dan gole i barhtyatar, oun dan ap pengre tikne pauke, oun bashran ap pengre bashepangre.